Qaraǵandy qystaqtarynda qujatsyz júrgender jeke kýálik aldy

QARAǴANDY. QazAqparat - Prokýrorlar men polıtseıler shalǵaıdaǵy qystaýlardy aralap, túrli sebeptermen jeke kýálikterin joǵaltyp alǵan azamattardy qujattandyrdy, dep habarlaıdy «QazAqparat» HAA tilshisi.

Polıtseıler, dárigerler, áleýmettik qyzmetkerler men prokýrorlar Jańaarqa aýdanyndaǵy shalǵaıdaǵy 33 aýylǵa, 17 sharýa qojalyǵyna, 49 qystaýǵa, sondaı-aq Atasý kentine, Qyzyljar stantsııasyna, 12 aýyldyq okrýgke barǵan.

«Barlyq jumysshylardy qajetti dári-dármektermen qamtamasyz etip, olardyń suraýy boıynsha jeke kýálikterin alýǵa kómektestik. Atalmysh eldi mekenderde májbúrli túrde jumys istep jatqan adamdardyń joq ekendigin málimdeımiz. Barlyq jumysshylar óz erikterimen jumys istep jatyr», - dep habarlady Qaraǵandy oblystyq prokýratýrasynyń baspasóz qyzmeti.

Jumysshylar da qystaýda jumys isteý úshin eshkimniń ózderin májbúrlemegendigin aıtty.

Sondaı-aq, kóptegen jumysshylardyń eńbek kelisimshartyn rásimdemeı jumys istep jatqandyqtary anyqtaldy.