Qaraǵandy kóshelerine merekelik avtobýstar shyqty
Qaraǵandy avtoparki úsh kún boıy qalalyq marshrýttar boıynsha júretin 5 merekelik avtobýsty iske qosty. Qala turǵyndary úshin merekelik sharany Qaraǵandy Jastar resýrstyq ortalyǵynyń eriktileri men qyzmetkerleri daıyndady. Qyzdar baýyrsaq pisirip, ulttyq taǵam – Naýryz kóje daıyndady.
«Aýa raıy sýyq bolsa da biz osyndaı ádemi kıim kıip, ulttyq taǵamdardy óz qolymyzben daıyndaýǵa sheshim qabyldadyq. Jáne qaraǵandylyqtardy osylaısha qýantýdy jón kórdik», - deıdi merekelik sharany uıymdastyrýshy Aıajan Eraly.
Aktsııaǵa belgili «bıshi» júrgizýshi Aıdos Arynov ta qatysty. Aıta ketý kerek, ol qalalyq aktsııalardyń turaqty qatysýshysy. Qaraǵandylyqtardy jıi tegin tasymaldaıdy jáne oblys ortalyǵynyń ómiri týraly rolıkter túsiredi. Búgin Aıdos Arynov jolaýshylardy merekelik avtobýsqa minip, kóńil kóterýge shaqyrady.
«Kóptegen qala turǵyndary úshin búgingi sapar erekshe tosyn syı boldy. Birinshi kezekte, biz adamdardyń kóńil-kúıin kótergimiz keledi. Barsha qazaqstandyqtardy Naýryz merekesimen shyn júrekten quttyqtaımyn», - deıdi avtobýs júrgizýshisi Aıdos Arynov.
Qaraǵandylyqtar avtobýstaǵy án shyrqaǵan kishkentaı jolaýshyǵa qosylyp, merekelik áserge bólendi.
«Bárińizdi Naýryz merkesimen quttyqtaımyn. Barshańyzǵa amandyq, sáttilik, baqyt tileımin. Elimiz árqashan osyndaı tatýlyq pen beıbitshilikte ómir súrsin!» - deıdi Qaraǵandy turǵyny Berik Ahmedıev.
