Qaraǵandy qalalyq máslıhatyna alty partııanyń ókilderi ótti

QARAǴANDY. QazAqparat – Qaraǵandy oblysynda qalalar men aýdandardyń máslıhattary depýtattaryn saılaý qorytyndylary jarııalandy, dep habarlaıdy QazAqparat tilshisi.

Qaraǵandy qalalyq máslıhatyna 30 depýtat saılandy. «Amanat» partııasynyń kandıdattary 17 orynǵa ıe boldy. Sonymen qatar, «Aq jol», «Baıtaq», «Respublica», «QHP» jáne «Aýyl» partııalarynyń ókilderi ótti. Saılanǵandar arasynda alty ózin-ózi usynǵan kandıdat bar.

Qaraǵandy qalasy máslıhatynyń jańa quramyndaǵy depýtattardyń ortasha jasy – 44. Eń kishisi – 27, eń úlkeni – 64 jasta. Tórteýi – áıel adam.

Jalpy, saılaý nátıjelerimen ákimdikterdiń resmı saıttarynda ornalastyrylǵan aýmaqtyq saılaý komıssııalarynyń ınternet-paraqshalarynan tanysýǵa bolady. Siltemeler tolyǵymen myna jerde berilgen.