Qaraǵandy emhanalary joǵary jyldamdyqty ınternetke qosylady

ASTANA. QazAqparat - Aımaqtaǵy barlyq medıtsınalyq mekemeler jyldyń sońyna qaraı joǵary jyldamdyqty ınternetpen qamtamasyz etiledi. Bul týraly QazAqparat ákimniń baspasóz qyzmetine silteme jasap habarlaıdy.

Qaraǵandy oblysynda pılottyq rejımde engizilip jatqan keshendik medıtsınalyq aqparattyq júıe (KMAJ)jumysynyń aralyq qorytyndysy týraly densaýlyq saqtaý basqarmasy basshysynyń orynbasary Asqar Horoshash aıtty. 

«KMAJ engizgen sátten bastap kúrdeli aqaýlar bolǵan emes. Degenmen keıbir problemalar bolyp turdy. Onyń barlyǵy keı medıtsınalyq mekemelerde jaqsy jergilikti jeli bolmaýymen jáne júıeniń jaqsy jumys istep turýyna qajetti jyldam ınternettiń bolmaǵanyna baılanysty», - dep málimdedi Asqar Horoshash. 

Qazir aımaǵymyzdyń barlyq medıtsınalyq mekemelerinde joǵary jyldamdyqtaǵy ınternetti qosýǵa qatysty jumystar belsendi júrgizilip jatyr. 

Aıta keteıik, keshendik medıtsınalyq aqparattyq júıeni (KMAJ) pılottyq rejimde ótken jyldyń qarasha aıynan bastap júzege asyra bastaǵan bolatyn. Qazir ol aımaǵymyzdyń barlyq emhanalaryn baılanystyrady. Júıe emdelýshilerdiń dertter tarıhyn, berilgen em túrlerin jáne naýqastyń zertteýden ótýin oblystyń kez-kelgen emhanasynan oqyp, bilýge múmkindik beredi. Baǵdarlamany engizgen sátten bastap qurastyrýshylar onyń segiz jańartylǵan nusqalaryn usyndy, olar jumystaǵy tehnıkalyq problemalardyń aldyn alý jáne keleńsizdikterdi boldyrmaý úshin jetildirilip jatyr.