Qaraǵandy áýejaıynda deklaratsııalanbaǵan qosalqy bólshekter tárkilendi

QARAǴANDY. QazAqparat – «Áýejaı-Qaraǵandy» keden beketiniń qyzmetkerleri QR UQK ShQ «Qaraǵandy» shekaralyq baqylaý bóliminiń qyzmetkerlerimen birlesip, «Sary-Arqa» halyqaralyq áýejaıynda Túrkııa azamatyn ustady, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.

Qaraǵandy oblysy boıynsha Memlekettik kirister departamentinen málim etkendeı, 20 tamyzda Antalıadan áýe reısimen kelgen jáne jasyl dáliz arqyly kedendik shekaradan ótken jolaýshynyń qol júgi men bagajyn Kedendik baqylaý barysynda taýarlardyń deklaratsııalanbaǵan kommertsııalyq partııasy (tehnologııalyq jabdyqqa qosalqy bólshekter) anyqtaldy.

Quqyq buzýshyǵa qatysty QR ÁQBtK 551-babynyń 1-bóligi boıynsha taýarlardy kedendik deklaratsııalamaǵany úshin ákimshilik quqyq buzýshylyq týraly hattama toltyryldy, 30 AEK nemese 103 500 teńge somasynda ákimshilik aıyppul salyndy. Alynǵan taýarlar ýaqytsha saqtaý qoımasyna ornalastyryldy, kedendik deklaratsııalaýdy jáne tıesili kedendik tólemder men salyqtardy tóleýdi júzege asyrý maqsatynda taýarlardyń kedendik qunyn anyqtaý boıynsha jumys júrgizilip jatyr.

Departamentten Eýrazııalyq ekonomıkalyq odaq aýmaǵynda jeke paıdalanýǵa arnalǵan taýarlardy ótkizýdiń biryńǵaı tártibi (Eýrazııalyq ekonomıkalyq komıssııa Keńesiniń 2017 jylǵy 20 jeltoqsandaǵy «Jeke paıdalanýǵa arnalǵan taýarlarǵa baılanysty jekelegen máseleler týraly» №107 sheshimimen bekitilgen) qoldanylatynyn eske saldy. Sheshimde jeke paıdalanýǵa arnalǵan taýarlardy ákelýdiń qundyq, salmaqtyq jáne/nemese sandyq normalary bekitilgen.