Qaraǵandynyń burynǵy ákiminiń uly qart anasyn uryp, eki aıǵa qamaldy
QARAǴANDY. KAZINFORM - Qaraǵandyda 78 jastaǵy anasyn uryp-soqqan burynǵy qala ákiminiń uly ustaldy. Er adam eki aıǵa qamaýǵa alyndy.
Qaraǵandynyń burynǵy ákimi Shaımerden Orazalınovtyń uly qart anasyn urǵany belgili boldy.
Er adam keıýananyń murnyn jáne birneshe qabyrǵasyn syndyrǵan.
78 jastaǵy áıeldiń jaǵdaıyn kórgen kórshileri jedel járdem shaqyrǵan.
Al dárigerler óz kezeginde uryp-soǵý faktisi jóninde polıtsııaǵa habarlady. Ájeı ulyn tutqyndaıdy dep qorqyp, eki kún boıy dáriger shaqyrmaı úıinde jatqan.
Degenmen, quqyq qorǵaý organdary buzaqyny qamaýǵa aldy.
«Qaraǵandy qalasynyń mamandandyrylǵan tergeý soty 10 aqpanda kúdiktini eki aı qamaýda ustaý sanktsııa berdi», — dep habarlady Qaraǵandy qalasynyń mamandandyrylǵan tergeý sotynyń baspasóz qyzmeti.
Shaımerden Orazalınov 1987 jyldan 1997 jylǵa deıin qala ákimi laýazymyn atqarǵan.
Qaraǵandy qalalyq atqarý komıtetiniń tóraǵasy, ekinshi shaqyrylymdaǵy Parlament Májilisiniń depýtaty, ІІІ shaqyrylymdaǵy Májilis depýtaty boldy.
Qaraǵandy qalasynyń qurmetti azamaty.
Shaımerden Ábilmájinuly 2019 jyldyń 30 sáýirinde 77 jasynda ómirden ótken.
