Qaraǵandyda úsh jasar balanyń qoly eskalatorǵa qysylyp qaldy

Qaraǵandyda búgin saýda ortalyqtarynyń birinde úsh jasar balanyń qoly eskalatordyń aınalmaly bóligine turyp qaldy. Bala aýrýhanaǵa jatqyzyldy, jaǵdaıy aýyr, dep habarlaıdy QazAqparat tilshisi.

Oqys oqıǵa búgin 6 qazan saǵat 11:48-de bolǵan.

112 dıspetcherine Global City saýda ortalyǵynda úsh jasar bala eskalatorǵa mingende artqa sheginip, qulap, oń qoly qabyrǵa men qozǵalatyn bóliktiń arasyna qystyrylyp qalǵany týraly habar keldi.

«Oqıǵa ornyna kelgen TJD qyzmetkerleri 3 jasar balanyń qolyn eskalator konstrýktsııasynan shyǵaryp aldy. Bala jedel medıtsınalyq járdem brıgadasyna tapsyryldy», — dep habarlady Qaraǵandy oblysy TJD baspasóz qyzmeti.

Densaýlyq saqtaý basqarmasy balanyń hali nashar ekenin habarlady.

«Bala oblystyq balalar klınıkalyq aýrýhanasyna jatqyzyldy. Jaǵdaıy aýyr. Operatsııa jasalady dep josparlanǵan. Tolyq kólemde medıtsınalyq kómek alyp jatyr», — dep habarlady vedomstvodan.

Qutqarýshylar balalardy eskalatorda qaraýsyz qaldyrmaýǵa shaqyrady. Jas balalardy qolynan ustap júrý kerek.