Qaraǵandyda salynyp jatqan gaz taratý jelilerinde jarylys boldy
ASTANA. KAZINFORM – Qaraǵandyda tartylyp jatqan gaz taratý jelilerinde qospa atyldy. Jarylys saldarynan birneshe avtomobıl zaqymdandy.
Áleýmettik jelilerde Qaraǵandyda gaz qubyrynyń jarylǵany týraly beıne tarap jatyr. Al qala ákimdigi bul jeliler áli tutynýshylarǵa qosylmaǵan, qubyrdy tartý jumystary aıaqtalmaǵan dep otyr.
«Orta qysymdy gaz taratý jelilerin nyǵyzdaý kezinde qospa syǵylǵan. Qazirgi ýaqytta bul jeliler iske qosylmaǵan, júıede tabıǵı gaz joq», - dep habarlady Qaraǵandy qalasy ákimdiginiń qurylys bóliminen.
Soqqy tolqynynan birneshe avtomobıl zaqymdanǵan. Zardap shekkender joq. Oqıǵa ornyna merdiger uıymnyń ókilderi men ákimdik qyzmetkerleri keldi.
«Búlingen kólik quraldarynyń menshik ıelerine keltirilgen zalaldyń ornyn merdiger uıym toltyrady», - dep tolyqtyrdy ákimdiktegiler.
Osyǵan deıin Májilistiń jalpy otyrysynda depýtat Ulyqbek Tumashınov elimizdiń soltústik jáne shyǵys óńirlerine gaz tartý máselesin kótergen bolatyn.