Qaraǵandyda eski úıdiń shatyrynan beton plıta qulady

QARAǴANDY. KAZINFORM – Qaraǵandy qalasynda Qazybek bı aýdany Dúısembekov kóshesindegi 9 qabatty turǵyn úıge japsarlas salynǵan tigin sheberhanasynyń shatyrynan plıta qulady. Zardap shekkender joq, alaıda bul jaǵdaı eski úılerdiń qaýpi men shatyrdy turaqty tekserip otyrý kerektigi eske salyp otyr.

1 qarasha kúni saǵat 10:30-da Dúısembekov kóshesindegi №2 úıdiń shatyrynan kólemi 120×50 sm, salmaǵy 80 kg beton plıta qulap ketti. Oqıǵa ornyna TJM jedel-qutqarý qyzmeti oqıǵa ornyna baryp, qulaǵan materıaldardyń barlyǵyn jınastardy.

Aldyn ala málimet boıynsha tótenshe jaǵdaıǵa shatyrdyń eskirýi men kútimniń joqtyǵy sebep bolǵan. Plıta astyna quıylǵan materıaldar keýip, jeldiń kúshimen shatyrdyń qulaýyna sebep bolýy múmkin.

- Biz eski kópqabatty úılerdi turaqty túrde tekserip otyramyz. Qaýip anyqtalǵan jaǵdaıda birden retteýge tyrysamyz, - dedi Qaraǵandynyń turǵyn úı ınspektsııasynyń ókilderi.

Inspektsııa mamandarynyń aıtýynsha, 2023 jyly dál osy aýdanynda tótenshe jaǵdaılardyń aldyn alý úshin tórt úıden 419 plıta alynǵan. QR «Turǵyn úı qatynastary týraly» Zańynyń 36-babyna sáıkes, shatyr, qasbet jáne parapet konstrýktsııalary sııaqty ortaq múlikti kútip ustaý jaýapkershiligi páter ıelerine júkteledi.

Qazirgi tańda mamandar plıtalarynyń bekitilýin tekserip jatyr, bul rette turǵyndardyń qaýipsizdigi bas nazarda bolady.

Esterińizge sala keteıik, 7 qarashada Pavlodarda salynyp jatqan mektep ǵımaratynyń bir bóligi opyrylyp, birneshe adam zardap shekken edi. Erteńinde qulaǵan mektep ǵımaratynyń astynan adamnyń denesi tabyldy.