Qaraǵandyda er adam jedel járdem júrgizýshisin urǵan

QARAǴANDY. KAZINFORM - Qaraǵandyda kópqabatty úılerliń biriniń aýlasynda shaqyrýǵa kelgen jedel járdem kóliginiń júrgizýshisin belgisiz bir er adam judyryqqa alǵan. Tártip saqshylary buzaqynyń esimin anyqtady. Ony ustaý boıynsha jumystar júrgizilýde.

Polıtsııa qyzmetkerleri jedel járdem júrgizýshisine dene jaraqattaryn keltirgen qaraǵandylyq azamatty anyqtady.

Belgili bolǵandaı, er azamat shaqyrýǵa kelgen dárigerler brıgadasynyń júrgizýshisimen sózge kelip qalǵan. Sodan soń  ashýlanyp, judyryq ala júgirgen. Bul daýǵa er adamnyń aýla jolymen óte almaǵany sebep bolǵan.

«Qazirgi ýaqytta júrgizýshige qol kótergen er azamatty ustaý boıynsha keshendi is-sharalar júrgizilýde. Buzaqylyq áreketpen adam denesine qasaqana dene jaraqatyn keltirý babymen qylmystyq is qozǵaldy», — dep málim etti Qaraǵandy oblysynyń PD baspasóz qyzmeti.