Qaraǵandy oblysynda joǵalǵan eki er adam tabyldy
QARAǴANDY. KAZINFORM — Qaraǵandy oblysynyń polıtseıleri Abaı aýdanynda joǵalyp ketken eki er adamdy tapty.
17 qańtar kúni saǵat 11:45–te iz-túzsiz joǵalǵandar týraly kezekshi pýnktke habarlanǵan.
Aldyn ala málimet boıynsha olar 16 qańtar kúni keshke «Toıota Lend Krýzer» kóligimen mal izdep, Kvarts qystaýynan Aıda qystaýy baǵytyna shyǵyp, odan keıin habarsyz qalǵan.
Іzdestirý kezinde týystary kólikti Aıda qystaýynan taýyp aldy. Alaıda ishinde adam bolmaǵan. Odan keıin polıtsııa Tótenshe jaǵdaılar departamenti men eriktilerdi tarta otyryp, izdeý-qutqarý jumystaryn bastady.
Nátıjesinde polıtsııa qyzmetkerleri iz-túzsiz joǵalǵan 39 jáne 68 jastaǵy er adamdy tapty. Qazirgi ýaqytta olardyń ómiri men densaýlyǵyna qaýip tónip turǵan joq. Oqıǵanyń mán-jaıy anyqtalyp jatyr.
Aıta keteıik, Qaraǵandy oblysynda qutqarýshylar qar qursaýynda qalǵan 12 adamdy qutqardy.