Qaraǵandy oblysynda vahtalyq avtobýs aýdaryldy
QARAǴANDY. KAZINFORM - TJM tikushaǵy zardap shekkenderdi evakýatsııalaýǵa jumyldyryldy.
Qaraǵandy oblysynyń Qarqaraly aýdany Besoba aýylynan 15 km jerde vahtalyq avtobýs aýdaryldy. Tótenshe jaǵdaılar mınıstrligi málimetinshe, kólikte 50 adam bolǵan.
TJM qutqarýshylary jedel túrde oqıǵa ornyna kelip, zardap shekkenderge kómek kórsetti. TJM áýe kemesimen 3 zardap shekken adam Qaraǵandy qalasyndaǵy medıtsınalyq mekemelerge jetkizildi.
Sondaı-aq TJM kúshteri vahtalyq kólikte jedel járdem jáne Apattar medıtsınasy ortalyǵy mamandary 30 adamdy Botaqara aýylynyń aýrýhanasyna jetkizdi.
Zardap shekkenderdiń jaǵdaıy ortasha dárejede. Avarııalyq-qutqarý jumystaryna TJM kúshteri men quraldary, «Mataq» TMQP, TJM Apattar medıtsınasy ortalyǵy, Qazavıaqutqarý jáne jedel járdem brıgadalary, polıtsııa qyzmetkerleri jumyldyryldy.
Jaǵdaı TJM baqylaýynda.
Buǵan deıin Batys Qazaqstanda mektep avtobýsy jol apatyna ushyraǵanyn jazǵan bolatynbyz.