Qaraǵandy oblysynda taǵy bir jol jabyldy

ASTANA. KAZINFORM – 10 qarasha kúni saǵat 00:30-dan bastap Qaraǵandy oblysynda aýa raıynyń qolaısyzdyǵyna baılanysty kólik qozǵalysyna ýaqytsha shekteý qoıyldy, dep habarlaıdy QazAvtoJol.

Shekteý respýblıkalyq mańyzy bar «Astana – Qaraǵandy (aınalma jol) – Almaty» avtojolynyń 256-359 shaqyrymynda (Atameken aýylynan Aqsý-Aıýly eldi mekenine deıingi aralyqta) engizildi.

Qozǵalysty qaıta ashý 10 qarasha kúni saǵat 08:00-de josparlanyp otyr.

Joldyń jabylýy men ashylýy týraly ózekti aqparatty www.qaj.kz saıtyndaǵy «Aqparattyq kartadan» kórýge bolady.

Eske salaıyq, buǵan deıin aýa raıynyń kúrt nasharlaýyna baılanysty respýblıkalyq mańyzy bar «Qyzylorda – Jezqazǵan – Qaraǵandy – Shiderti» avtojolynyń 970-1066 shaqyrymyndaǵy (Qaraǵandy qalasynan Molodejnyı aýylyna deıingi) ýchaskede barlyq kólik túrleriniń qozǵalysyna ýaqytsha shekteý qoıylǵan bolatyn.