Qaraǵandy oblysynda astyq alqaptarynyń 70%-y eńserildi
QARAǴANDY. KAZINFORM — Aýyl sharýashylyǵy mınıstri Aıdarbek Saparov Qaraǵandy oblysynda egin jınaý jumystarynyń barysymen tanysty. Bul týraly QR AShM baspasóz qyzmeti málim etti.
Sonymen qatar, «Nýr-SH» JShS alańynda óńirdiń aýyl sharýashylyǵy óndirýshilerimen kezdesý ótti.
Mınıstr agroónerkásiptik keshendi odan ári qoldaý jáne damytý boıynsha qabyldanyp jatqan sharalar týraly habar berdi.
«Aǵymdaǵy jyly Prezıdenttiń tapsyrmasy boıynsha úkimet kóktemgi egis jáne egin jınaý jumystaryn júrgizý úshin barlyq qajetti jaǵdaılardy jasady. Salany jeńildetilgen qarjylandyrý kólemi 3 eseden astam ulǵaıtylyp, 580 mlrd teńgeni qurady. Alǵash ret kóktemgi egin jumystaryn nesıeleý, egin jınaý naýqany jáne aýyl sharýashylyǵy tehnıkasynyń lızıngi kezinde syıaqy mólsherlemesin arzandatý tetigi qoldanyldy. Aýyl sharýashylyǵy qurylymdary barlyq qajetti agrotehnologııalardy qoldana aldy, sapaly tuqymdar men tyńaıtqyshtar satyp alyndy. Tıimdilik aıqyn-ónimdilik ótken jylmen salystyrǵanda 5 ts/ga-ǵa ulǵaıdy. Kelesi jyly jeńildikti kredıtteý kólemin 700 mlrd teńgege deıin jetkizý josparlanyp otyr. Alǵashqy aqsha fermerlerge jeltoqsan aıynda jetedi jáne olar egin egýge daıyndyqty bastaı alady», - dedi Aıdarbek Saparov.
Mınıstrdiń aıtýynsha, 2025 jyly osyndaı tetik óńdeý kásiporyndaryn qarjylandyrý kezinde iske qosylady. Fermerlerdi sýbsıdııalaý erejelerin ózgertýge, memlekettik baǵdarlamalar sheńberindegi jobalardy qarjylandyrýǵa, ınfraqurylymdy júrgizýge qatysty máseleler qyzyqtyrdy. Ár suraqqa fermerler tolyq jaýap aldy.
Aıta keteıik, Qaraǵandy oblysy boıynsha jalpy egis alqaby 1,2 mln gektardy qurady, búginde 700,2 myń gektar egin jınaldy, 12 ts/ga ónimdilikte 840,2 myń tonna bastyryldy.
2,4 mln tonna shóp, 23,1 myń tonna pishen, 15,1 myń tonna súrlem, 150 myń tonna saban, 237,5 myń tonna jem daıyndaldy. Jumys sapary barysynda mınıstr «Baımyrza Agro 2018» JShS kartop alqaptaryn aralap kórdi. Fermada Zimmatic aınalmaly jańbyrlatqyshtardyń sýarý júıesi qoldanylady. Aldaǵy jyldary sýarmaly egistik alqabyn 854 gektarǵa deıin ulǵaıtý josparlanǵan.
Aıdarbek Saparov «Shahterskoe» JShS egin jınaý jumystarynyń barysymen tanysty. Óńirdegi iri sharýashylyqtardyń biriniń basshysy Georgıı Prokop aǵymdaǵy kóktemde otandyq tuqymmen 33 myń gektardan astam egilgenin, qazirdiń ózinde 19 myń gektar jınaldy, ortasha ónimdiligi 18,5 ts/ga 35 myń tonnadan astam astyq bastyrylǵanyn habarlady.
Ekonomıkalyq joǵary ónim alýǵa múmkindik beretin pestıtsıdterdi, tuqymdardy, mıneraldy tyńaıtqyshtardy satyp alýǵa memlekettik qoldaý sharalaryn belsendi qoldanady. Osy rette, kartoptyń ónimdiligi 501 ts/ga qurady.
SQO tájirıbesin tırajdaý baǵdarlamasy aıasynda óńirde 12 joba iske asyrylyp otyr. Olardyń ishinde qýattylyǵy jylyna 10 myń tonna sútti quraıtyn 1100 basqa arnalǵan sút-taýar fermasy bar. «MF Ramadan» JShS jobasynyń quny 4,2 mlrd teńge.
Mınıstr jobanyń iske asyrylý barysymen tanysty.
