Qaraǵandy oblysynda 16 jastaǵy jasóspirim sýǵa batyp ketti
QARAǴANDY. KAZINFORM — Jazataıym oqıǵa Qaraǵandy qalasynyń Suryptaý aýdanyndaǵy Taımyrskaıa kóshesiniń artyndaǵy karerde oryn aldy.
— 2009 jyly týǵan jasóspirim karer sýyna batyp ketti. Qaıǵyly oqıǵa sýǵa túsýge tyıym salynǵan jerde oryn aldy, — dep habarlaıdy Qaraǵandy oblysy TJD baspasóz qyzmeti.
Belgili bolǵandaı, marqum eki dosymen birge sý aıdynyna shomylýǵa kelgen. Biraq ol júze almaǵan.
Qazirgi ýaqytta oqıǵanyń mán-jaıy anyqtalyp jatyr.
Qutqarýshylar azamattardy sýda qaýipsizdik erejelerin saqtaýǵa, beıtanys jáne jabdyqtalmaǵan jerlerde shomylmaýǵa shaqyrady. Sondaı-aq, túngi ýaqytta jáne júzý daǵdylarynsyz shomylýdan bas tartý kerektigin eske salady.
Buǵan deıin Qazaqstanda shomylý maýsymy bastalǵannan beri 5 adam sýǵa ketkeni jaıly habarlaǵan bolatynbyz.