Qara teńizdiń ústinde baqylaýdan shyqqan dron atyp túsirildi

ASTANA. KAZINFORM — Qara teńiz ústinde baqylaýdan shyqqan ushqyshsyz ushý apparaty atyp túsirildi. Bul týraly Túrkııanyń Ulttyq qorǵanys mınıstrligi (MSB) habarlady, dep jazady Anadoly.

Mınıstrliktiń málimdeýinshe, Qara teńiz baǵytynan eldiń áýe keńistigine jaqyndap kele jatqan nysan tirkelgen. Ol anyqtalǵan soń standartty rásimderge sáıkes birden baqylaýǵa alynǵan.

Túrkııanyń áýe keńistigin qorǵaý maqsatynda ulttyq qurylymdar men NATO organdarynyń basqarýyndaǵy F-16 ushaqtaryna da tótenshe jaǵdaıǵa jaýap berý tapsyrmasy berilgen.

— Bul áýe nysany baqylaýdan shyqqan ushqyshsyz ushý apparaty ekeni anyqtaldy. Kez kelgen jaǵymsyz saldardyń aldyn alý maqsatynda ol adam kóp jınalatyn jerlerden tys qaýipsiz aýdanda atyp túsirildi, — delingen habarlamada.

Budan buryn túriktiń ushqyshsyz ushý apparaty tarıhta alǵash ret áýedegi nysanany kórý qashyqtyǵynan tys joıǵanyn jazǵan edik. Ushqyshsyz ushý apparaty óte tómen radıolokatsııalyq baıqalýy men ozyq sensorlarynyń arqasynda jaýdy ózi anyqtalǵanǵa deıin alys qashyqtyqtan anyqtaı alady.