Kanvondo-2024: Búgin jasóspirimder olımpıadasynyń alaýy tutanady
ASTANA. KAZINFORM – Búgin Ońtústik Koreıanyń Kanvondo qalasynda ótetin IV qysqy jasóspirimder Olımpıadasynyń alaýy tutanady.
Astana sportshylardy saltanatpen shyǵaryp saldy
15 qańtar kúni Astanadaǵy Jaqsylyq Úshkempirov atyndaǵy jekpe-jek saraıynda Kanvon-2024 IV qysqy jasóspirimder Olımpıadasyna qatysatyn sportshylardy saltanatty shyǵaryp salý rásimi ótti.
Atalǵan sharada konkımen júgirý sportynyń ókili Krıstına Shýmekova men short-trekshi Erasyl Shyńǵyshanǵa Kók týymyz tabystalyp, sportshylar ant beredi. Jıynǵa QR Týrızm jáne sport mınıstri, Ulttyq Olımpıada komıtetiniń basshylary, sport ardagerleri men Olımpıada oıyndarynyń júldegerleri qatysty.
El namysyn 42 sportshy qorǵaıdy
Ońtústik Koreıadaǵy jasóspirimder olımpıadasynda Qazaqstan namysyn sporttyń 5 túri men 10 dıstsıplına boıynsha 42 sportshy qorǵaıdy. Atap aıtar bolsaq, bıatlon, kerlıng, konkımen júgirý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha baq synaıdy.
Sport túri men sportshylardyń esimderi:
Bıatlon:
- Alema Qarabaeva
- Ilıas Hasenov
- Evelına Mezentseva
- Anton Redkın
- Marııa Vorobeva
- Kırıll Zotov
- Taý shańǵy sporty:
- Rostıslav Hohlov
- Aleksandra Skorohodova
Kerlıng:
- Mereı Tastemir
- Ibragım Tastemir
- Konkımen júgirý sporty:
- Rýslan Janadilov
- Mıhaıl Matrıýhın
- Alına Shýmekova
- Krıstına Shýmekova
Shańǵy jarystary:
- Berik Boranbaev
- Áýbákir Totanov
- Mılana Mamedova
- Vıoletta Mıtropolskaıa
Shańǵymen tuǵyrdan sekirý:
- Ilıa Mızernyh
- Ilıa Shılnıkov
- Sofıa Shıshkına
- Alena Svırıdenko
- Frıstaıl-mogýl:
- ıÝlııa Feklıstova
- Denıs Rastrýba
Short-trek:
- Meıirjan Tólegen
- Erasyl Shyńǵyshan
- Anastasııa Astrahantseva
- Polına Omelchýk
Shaıbaly hokkeı 3h3:
- Temirlan Aıboluly
- Beksultan Maqysh
- Arsenıı Kýchkovskıı
- Ádilhan Sattar
- Nıkıta Kýlakov
- Matveı Reshetko
- Rasýl Tursynov
- Arman Tólen
- Jahanger Tileýhan
- Taır Bıgarınov
- Egor Kravchenko
- Roman Mıchýrov
- Ánýar Ahmetjanov
Shańǵy qossaıysy:
- Arman Qýanysh
Jasóspirimder Olımpıadasynda Qazaqstan týyn kimder alyp shyǵady
Ońtústik Koreıanyń Kanvondo qalasynda ótetin IV qysqy jasóspirimder olımpıadasynda Qazaqstan Týyn Batys Qazaqstan jáne Soltústik Qazaqstan oblystarynyń sportshylary alyp shyǵady.
Atap aıtsaq, «Ulttar sherýi» kezinde Qazaqstan týyn konkımen júgirýden Petropavldan ulttyq quramanyń múshesi Krıstına Shýmekova men oraldyq short-trekshi Erasyl Shyńǵyshan alyp shyǵady. Bul sportshylar jarystardaǵy joǵary jetistikteri úshin ǵana emes, sonymen qatar halyqaralyq arenadaǵy jeńiske degen jigeri úshin tańdalǵan.
Atap aıtsaq, Krıstına Shýmakova - konkımen júgirý sportynan QR sport sheberi, óziniń jasy sanatyndaǵy Qazaqstan Respýblıkasynyń chempıony, 2023 jylǵy Álem Kýbogynyń ıtalıandyq kezeńiniń kúmis júldegeri.
Al ekinshi tý ustaýshy sportshymyz Erasyl Shyńǵyshan - short-trekten sport sheberine kandıdat, óziniń jasy sanatyndaǵy Qazaqstan Respýblıkasynyń chempıony, sondaı-aq «Azııa balalary» 2023 halyqaralyq jarysynyń kúmis júldegeri.
Kanvon-2024: Jeńimpazdar qandaı medaldarmen marapattalady
Osyǵan deıin Ońtústik Koreıanyń Kanvon qalasynda ótetin IV qysqy jasóspirimder olımpıadasynyń jeńimpazdary men júldegerlerine qandaı medaldar beriletinin jazǵan bolatynbyz.
Jasóspirimder arasyndaǵy IV qysqy Olımpıada oıyndarynyń júldegerlerine beriletin medaldiń ataýy - «Jarqyraǵan bolashaq» bolady.
Sondaı-aq, Olımpıada medaliniń dızaınyn jasaýǵa 2023 jyly 120 memleketten 3000-nan astam úmitker qatysqanyn, solardyń arasynan tek, 27 jastaǵy Brazılııa azamaty Dante Akıra Ývaıdyń týyndysy úzdik dep tanylǵany belgili boldy.
Jasóspirimder Olımpıadasy: Qorjynymyzda qansha júlde bar
Qazaqstandyq jasóspirimder Kanvon Olımpıadasyna deıin úsh oıynǵa qatysqan bolatyn. Búgin Qazaqstan quramasy osyǵan deıingi oıyndarda qansha medal jeńip alǵanyn eske túsire ketýdi jón sanadyq.
2012 jyl: Insbrýk (Aýstrııa) Olımpıadasy
Qazaqstan quramasy qysqy jasóspirimder Olımpıadasyna alǵash 2012 jyly Insbrýkte ótken oıyndarda óz ónerin ortaǵa saldy. Qazirge deıingi eń úlken jetistigimiz de sol alǵashqy Aýstrııa jerinde tirkelgen bolatyn.
Atap aıtsaq, ulttyq qurama músheleri 2012 jyly Insbrýkte 1 kúmis jáne 2 qola medalǵa qol jetkizdi. Nátıjesinde jalpy komandalyq esepte 23-orynǵa taban tiregen edi. Atalǵan basty dodada Galına Vıshnevskaıa-Sheporenko sprıntte kúmis júlde, sosyn iz kesý saıysynda qola medalǵa qol jetkizdi.
Al Sergeı Malyshev klassıkalyq júrispen 10 shaqyrym jarysta máre syzyǵyn úshinshi bolyp kesip, qola júldemen marapattalyp qaıtty.
2016
jyl: Lıllehammer (Norvegııa) OlımpıadasyQazaqstan jasóspirimderi ekinshi ret 2016 jyly Lıllehammerde (Norvegııa) ótken Olımpıada oıyndarynda baq synady. Nátıjesinde jerlesterimiz bási bıik básekeni 2 qola medalmen aıaqtady. Osylaısha jalpy komandalyq esepte 26-oryndy mise tutty.
Norvegııa tórinde bir qola júldeni bıatlonshy Arına Pantova sprıntte jeńip alsa, ekinshi júldeni el qorjynyna Elızabet Tursynbaeva mánerlep syrǵanaý sportynan saldy.
2020 jyl: Lozanna (Shveıtsarııa) Olımpıadasy
Qazaq sportshylary úshinshi ret 2020 jyly Lozannada (Shveıtsarııa) ótken Qysqy oıyndarǵa qatysty. Ókinishke qaraı, el namysyn qorǵaýǵa barǵan 26 atletimizdiń birde-biri jeńis tuǵyrynan kórine almady.
Aıta keteıik, Kanvon-2024 jasóspirimder arasyndaǵy IV qysqy Olımpıada oıyndary 19 qańtarda ashylady jáne 1 aqpanǵa deıin Phenchhan 2018 qysqy Olımpıada oıyndaryn qabyldaǵan Ońtústik Koreıanyń Kanvon provıntsııasynda ótedi. Ońtústik Koreıadaǵy Jasóspirimder Olımpıada oıyndaryna álemniń 50 elinen 1800 sportshy qatysady dep josparlanǵan. Jeti sport túrinen (15 pán) 81 medal jıyntyǵy oınatylady.
