Kanvon-2024: Qazaqstan hokkeıshileriniń alǵashqy qarsylasy anyqtaldy
ASTANA. KAZINFORM – Ońtústik Koreıanyń Kanvondo qalasynda ótetin IV qysqy jasóspirimder Olımpıadasynda synǵa túsetin qazaqstandyq hokkeıshilerimizdiń alǵashqy qarsylastary belgili boldy.
Ulttyq olımpıada komıteti málim etkendeı, 20 qańtar kúni Qazaqstan komandasy týrnırdegi alǵashqy matchyn Polshaǵa qarsy ótkizbek.
Bapkerler 16 jasqa deıingi 13 hokkeıshini quramǵa qosty.
Olar:
Qaqpashylar: Nıkıta Kýlakov, Arsenıı Kýchkovskıı
Qorǵaýshylar: Temirlan Aıboluly, Ádilhan Sattar, Rasýl Tursynov, Arman Tólen, Matveı Reshetko
Shabýylshylar: Ánýar Ahmetjanov, Taır Bıgarınov, Egor Kravchenko, Roman Mıchýrov, Jahanger Tileýhan, Beksultan Maqysh
Bas bapker: Ramazan Qaıdarov.
Esterińizge sala keteıik, Kanvondaǵy qysqy jasóspirimder Olımpıadasy 19 qańtar men 1 aqpan aralyǵynda ótedi.
Atalǵan jarysqa álemniń 50 memleketinen 1 800 sportshy qatysady. 7 sport túrinen (15 dıstsıplına) 81 medal jıyntyǵy sarapqa salynady.
Olımpıadanyń ashylý saltanatynda Qazaqstan týyn konkımen júgirýden Petropavldan ulttyq quramanyń múshesi Krıstına Shýmekova men oraldyq short-trekshi Erasyl Shyńǵyshan alyp shyǵady.
