Qańtarda azyq-túliktiń álemdik baǵasy kúrt ósti

NЬıÝ-IORK. QazAqparat – 2021 jyldyń qańtarynda azyq-túlik baǵasynyń ındeksi 4,3 paıyzǵa ósip, 2014 jyldyń shildesinen bergi rekordtyq kórsetkishke jetti. Bul týraly beısenbi kúni BUU-nyń Azyq-túlik jáne aýyl sharýashylyǵy sarapshylary (FAO) habarlady, dep jazadyQazAqparat «BUU jańalyqtary» silteme jasap.

Astyqtyń álemdik baǵasy eń joǵary – 7,1 paıyzǵa kóterildi. Buǵan, eń aldymen, júgerige halyqaralyq baǵanyń kúrt ósýi yqpal etti – ol 11,2 paıyzǵa ósti. Bul Qytaıdan aýqymdy satyp alý, AQSh-taǵy óndiris pen qorlardyń tómendeýi, sondaı-aq Argentınada júgeri eksportyna lıtsenzııalardyń ýaqytsha toqtatylýy aıasynda álemdik deńgeıdegi usynystyń odan ári qysqarýymen túsindiriledi.

Bıdaı baǵasy álemdik suranystyń artýyna jáne Reseı Federatsııasynyń saýda kóleminiń boljamdy tómendeýine baılanysty 6,8 paıyzǵa ósti. RF-da 2021 jyldyń naýryzynan bastap bıdaı eksportyna baj salyǵy eki ese artady.

Sondaı-aq FAO Eýropalyq odaqta, Reseıde jáne Taılandta jetkizilimniń tómendeýine jáne Ońtústik Amerıkadaǵy qurǵaq aýa raıyna baılanysty joǵary álemdik ımporttyq suranys pen alańdaýshylyq aıasynda qant baǵasynyń 8,1 paıyzǵa óskenin habarlady. FAO málimetteri boıynsha sút jáne et ónimderiniń baǵa ındeksi tıisinshe 1,6 paıyzǵa jáne 1 paıyzǵa ósti.

Sýrette Marokkodaǵy Agadır kýrorttyq qalasyndaǵy bazar. FAO / A. Benedettı