Qańtar-sáýirde elimizde ınflıatsııa 3,6 paıyzdy qurady
Vedomstvo aqparatyna sáıkes, baǵa azyq-túlik taýarlaryna aǵymdaǵy jylǵy tórt aıda 3,9, azyq-túlik emes taýarlaryna jáne aqyly qyzmetterge - 3,5 paıyzǵa ósti. Aǵymdaǵy jyldyń basynan baǵanyń ósýi qara shaıǵa 14,6, jarmalarǵa - 13,6, qantqa - 10,6, nanǵa - 8,3, jańa jınalǵan jemisterge - 7,5, kúnbaǵys maıyna - 7,2, jańa jınalǵan kókónisterge - 6,8, qaıta óńdelgen jáne konservilengen kókónisterge - 6,7, kondıterlik ónimderge - 6,1, makaron ónimderine, keptirilgen jemister men jańǵaqtarǵa - 5,9, salqyndatylǵan sýsyndarǵa - 5,8, máıekti irimshikke - 4,4, qus etine, konservilengen sútke - 3,9, toqash jáne unnan daıyndalatyn ónimderge - 3,4, súzbege - 3,2, balyq jáne teńiz ónimderine - 2,9, shujyq, et ónimderine - 2,1 paıyzǵa artqan.
Baǵa ósimi farmatsevtıkalyq ónimderge 11,6, turmystyq aspaptarǵa - 6,1, jeke qoldanatyn taýarlarǵa - 4,9, jýǵysh jáne tazalaǵysh quraldarǵa - 4,8, jolǵa qajetti taýarlar men zattardy tasymaldaıtyn basqa da buıymdarǵa - 4,7, toqyma buıymdaryna - 4,6, avtomobılderge - 4,5, shyny jáne qyshtan jasalǵan ónimderge - 4,1, kıim jáne aıaq kıimge - 2,8, jıhaz jáne úıge qajetti zattarǵa - 2,1 paıyzǵa ósken. Al benzın baǵasy 0,4 paıyzǵa tómendep, dızel otynyna 0,7 paıyzǵa kóterilgen.
Baǵa deńgeıi densaýlyq saqtaý, mektepke deıingi balalar mekemesiniń qyzmetterine - 5,4, demalys, oıyn-saýyq jáne mádenıet salasyndaǵy, shashtarazdar men jeke qyzmet kórsetý oryndaryn da 2 paıyzdan artty. Jolaýshylardyń áýe kóligimen jol júrý aqysy 8,4, alys qashyqtyqqa qatynaıtyn temir jol kóligine 6,2 paıyzǵa qymbattady.
Turǵyn úı-kommýnaldy qyzmetter salasynda tarıfter kárizge 20,3, qoqys shyǵarýǵa - 11,8, sýyq sýǵa - 8,1, ortalyqtan jylytýǵa - 7, ystyq sýǵa - 6,7, elektr energııasyna - 4,4, taratý jelileri arqyly tasymaldanatyn gazǵa - 4,2 paıyzǵa joǵarylady.
