Qańtar-aqpanda ınflıatsııa 0,8 paıyz boldy

ASTANA. QazAqparat - 2019 jylǵy qańtar-aqpanda Qazaqstan Respýblıkasynda ınflıatsııa 0,8 paıyzdy qurady. Bul jaıynda QR Ulttyq ekonomıka mınıstrliginiń Statıstıka komıtetinen málim etti, dep habarlaıdy QazAqparat tilshisi.

Vedomstvo málimetinshe, baǵa azyq-túlik taýarlaryna aǵymdaǵy jylǵy eki aıda 2,8, azyq-túlik emes taýarlaryna 0,6 paıyzǵa joǵarylady. Al aqyly qyzmetterge 1,5 paıyzǵa tómendedi.

Aǵymdaǵy jyldyń basynan baǵanyń ósýi jańa jınalǵan kókinisterge 28,1, unǵa 4,1, kúrishke 3,1, muzdatylǵan balyqqa, jańa jınalǵan jemisterge 2,6, máıekti irimshikke 2,3, jumyrtqaǵa, nanǵa, qus etine 2, makaron ónimderine 1,7, sary maıǵa, shujyq ónimderine 1,6, jylqy etine, et ónimderine, jańa saýylǵan sútke 1,5, qoı etine, toqash jáne unnan daıyndalatyn ónimderine 1,4, shoshqa etine 1,1, kondıterlik ónimderge 0,9 paıyzǵa belgilendi. Temeki ónimderi 4,4, salqyndatylǵan sýsyndar 2,2, alkogoldi ishimdikter 2 paıyzǵa qymbattady. Baǵanyń tómendeýi qumshekerge 2,7, qaraqumyq jarmasyna 1,3, súzbege 0,8 paıyzǵa tirkeldi.

Baǵa ósimi farmatsevtıkalyq ónimderge 1,9, toqyma buıymdaryna 1,4, jeke qoldanatyn taýarlarǵa, avtomobılderge 1,3, jıhaz jáne úıge qajetti zattarǵa, jýǵysh jáne tazalaǵysh quraldarǵa, kıim jáne aıaq kıimge 1,1, turmystyq aspaptarǵa 1 paıyzdy qurady. Benzın 2,6, tas kómir 1,8, dızel otyny 0,8 paıyzǵa arzandady.

Baǵa deńgeıi quqyqtyq, jeke kólik quraldaryn saqtandyrý qyzmetterine - 5, densaýlyq saqtaý qyzmetterine - 1,8, qoǵamdyq tamaqtandyrý qyzmetterine - 1,1, kabeldik televızııa qyzmetterine - 1, shashtarazdar men jeke qyzmet kórsetý oryndary qyzmetterine 0,8 paıyzǵa ósti.

Jolaýshylardyń temirjol kóligimen jol júrý aqysy 5,4, áýe kóligimen 5,3 paıyzǵa tómendedi.

Turǵyn úı-kommýnaldyq qyzmetter salasynda tarıfter ortalyqtan jylytýǵa - 11, sýyq sýǵa- 7,5, kárizge - 6,9, ystyq sýǵa - 6,6, elektr energııasyna - 4,7, taratý jelileri arqyly tasymaldanatyn gazǵa - 4,1, qoqys shyǵarýǵa 3,4 paıyzǵa tómendedi.