Qansha bala Keleshek mektepterine qabyldandy
ASTANA. KAZINFORM – 100 myńǵa jýyq oqýshy jańadan boı kótergen Keleshek mektepterine qabyldandy. Bul týraly Oqý-aǵartý mınıstrliginiń baspasóz qyzmeti habarlady.
Qazaqstanda Memleket basshysynyń bastamasymen qolǵa alynǵan «Keleshek mektepteri» ulttyq jobasyn júzege asyrý jalǵasýda. Jańa oqý jylynda 100 myńǵa jýyq oqýshy joba aıasynda salynǵan 57 jańa formattaǵy mektepte bilim alýdy bastady.
«Keleshek mektepteri» ulttyq jobasy oqýshy oryndarynyń tapshylyǵyn, apatty jáne úsh aýysymdy mektepter máselesin sheshýge baǵyttalǵan.
Atalǵan joba aıasynda salynǵan mektepter burynǵy jyldardaǵy tıptik ǵımarattardan aıtarlyqtaı erekshelenedi. Barlyq kabınetter zamanaýı qural-jabdyqtarmen – ınteraktıvti taqtalarmen jáne kompıýterlermen jabdyqtalǵan, bul oqytýdyń ınnovatsııalyq ádisterin engizýge jáne bilim sapasyn arttyrýǵa múmkindik beredi.
2024 jyldyń qorytyndysy boıynsha jańa formattaǵy 105 mektep paıdalanýǵa berilgen edi. Jalpy ulttyq joba aıasynda barlyǵy 217 mektep salý josparlanyp otyr.
Aıta ketelik bilim berý salasynda jasandy ıntellektini qoldanýdyń etıkalyq standarty bekitilgen edi.