Qandas mártebesin berý tártibi qaıta qaralady
ASTANA. KAZINFORM — Premer-mınıstr Oljas Bektenov 2025 jylǵy 25 sáýirdegi № 68 qandas mártebesin berý tetigin ózgertý boıynsha usynystar ázirleý úshin jumys tobyn qurý týraly ókimge qol qoıdy.
— Osy ókimge qosymshaǵa sáıkes quramda qandas mártebesin berý tetigine zańnamalyq túzetýler engizý jónindegi usynystar ázirleý úshin jumys toby qurylsyn. Jumys toby 2025 jylǵy 30 mamyrǵa deıin merzimge qandas mártebesin berý tártibin qaıta qaraý boıynsha zańnamalyq túzetýler ázirlesin jáne olardy Qazaqstan Respýblıkasynyń Úkimeti apparatyna engizsin, — delingen ókim mátininde.
Ókimniń oryndalýyn baqylaý jáne jetekshilik etý Premer-mınıstrdiń orynbasary Ermek Kósherbaevqa júkteldi.
Qandas mártebesin berý tetigine zańnamalyq túzetýler engizý jónindegi usynystar ázirleıtin jumys tobynyń quramy:
— Qazaqstan Respýblıkasy Premer-Mınıstriniń orynbasary, basshy;
— Qazaqstan Respýblıkasynyń Eńbek jáne halyqty áleýmettik qorǵaý vıtse-mınıstri, basshynyń orynbasary;
— Qazaqstan Respýblıkasynyń Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy, hatshy;
— Qazaqstan Respýblıkasynyń Ulttyq qaýipsizdik komıteti tóraǵasynyń orynbasary (kelisimi boıynsha);
— Qazaqstan Respýblıkasynyń Ádilet vıtse-mınıstri;
— Qazaqstan Respýblıkasynyń Ǵylym jáne joǵary bilim vıtse-mınıstri;
— Qazaqstan Respýblıkasynyń Densaýlyq saqtaý vıtse-mınıstri;
— Qazaqstan Respýblıkasynyń Mádenıet jáne aqparat vıtse-mınıstri;
— Qazaqstan Respýblıkasynyń Oqý-aǵartý vıtse-mınıstri;
— Qazaqstan Respýblıkasy Syrtqy ister mınıstriniń orynbasary;
— Qazaqstan Respýblıkasynyń Ulttyq ekonomıka vıtse-mınıstri;
— Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi vıtse-mınıstri;
— Qazaqstan Respýblıkasy Іshki ister mınıstriniń orynbasary;
— Qazaqstan Respýblıkasy Úkimeti Apparatynyń Áleýmettik damý bóliminiń meńgerýshisi;
— oblystar, respýblıkalyq mańyzy bar qalalar, astana ákiminiń orynbasarlary.
Aıta ketsek, Eńbekmıniniń bıyl 24 sáýirdegi málimeti boıynsha 3,2 myńnan asa etnıkalyq qazaq qandas mártebesin aldy.
Eske salsaq, Eńbek jáne halyqty áleýmettik qorǵaý mınıstriniń buıryǵymen qandastar men qonys aýdarýshylardy qabyldaýdyń 2025 jylǵa arnalǵan óńirlik kvotasy 9 653 adam dep belgilendi, bul byltyrǵy jylmen salystyrǵanda 170 adamǵa artyq.