Qanat Islamnyń jekpe-jegi bastaldy

ASTANA. QazAqparat – Álem jurtshylyǵyna «Qazaq» laqap atymen tanymal kásipqoı boksshy Qanat Islam men argentınalyq Haver Fransısko Maseldiń jekpe-jegi bastaldy, dep habarlaıdy QazAqparat tilshisi.

AQSh-tyń Florıda shtatyndaǵy Plant-Sıtıde ótip jatqan boks keshinde otandasymyz 38 jastaǵy argentınalyq qurdasymen kúsh synasýda. Degenmen argentınalyqtyń Qanat Islamǵa qaraǵanda kásipqoı rıngte ótkizgen jekpe-jekteriniń de, jeńilisteriniń de, nokaýtpen aıaqtaǵan jeńisteriniń de sany kóp.

Qanat Islam 28 jekpe-jek ótkizip, onyń 27-sinde jeńiske jetip, bireýinde ǵana jeńilgen. Al nokaýtpen jeńgen kezdesýleriniń sany – 22.

Haver Masel osymen 52-inshi jekpe-jegine shyqty. 51 aıqastyń 34-inde jeńip, 17-sinde jeńilgen. Nokaýtpen sátti aıaqtaǵan kezdesýlerdiń sany – 23.