Kameralardaǵy Qańtar oqıǵasyna qatysty beınejazbalar maqsatty túrde joıylǵan - Bas prokýratýra

ASTANA. QazAqparat - Bas prokýratýra úkimettik emes uıymdar, advokattardyń, Joǵarǵy Sot, ádilet, quqyq qorǵaý jáne arnaıy organdar ókilderiniń, sondaı-aq ǵylymı qoǵamdastyqtyń qatysýymen «Azaptaýlar týraly isterdi tergeýdiń ózekti máseleleri» taqyrybynda dóńgelek ústel ótkizdi, dep habarlaıdy QazAqparat.

Bas prokýratýrada azaptaýlarǵa qarsy is-qımyl týraly máseleler qaraldy

Іs-sharada Bas prokýrordyń orynbasary Bolat Dembaev ótken jyldan beri Memleket basshysynyń tapsyrmasy boıynsha qańtar oqıǵasy kezindegi azaptaýlar týraly 11 qylmystyq istiń tergelgenin aıtty.

Tergeýdiń nátıjeleri boıynsha 84 azamatqa qatysty azaptaý jasaǵan kúshtik organdardyń 35 qyzmetkeri qylmystyq jaýaptylyqqa tartyldy.

9 adam naqty bas bostandyǵynan aıyrýǵa sottaldy, basqalaryna qatysty sot talqylaýy júrip jatyr.

«Qańtar oqıǵasy kezinde Almaty qalasy men oblysynda beınebaqylaý jazbalaryn saqtaý serverleriniń maqsatty túrde joıýlýy quqyq buzýshylyqtardy anyqtaýdaǵy mańyzdy problemalardyń biri boldy. Arnaıy prokýrorlar bul jazbalardy qalpyna keltire aldy. Keıinnen olardy azaptaýlardy qoldanýdyń negizgi dáleli retinde paıdalana bildi.

Talqylaý barysynda quqyq qorǵaý organdaryna jetkiziletin azamattardyń qaýipsizdigin qamtamasyz etý máselesi qozǵaldy.

Qylmystyq qýdalaý organdarynda azaptaýlardy qoldanýǵa jol bermeý maqsatynda barlyq jerlerde beınebaqylaý ornatylǵan. Alaıda, prokýratýranyń tekserýimen qylmystyq qýdalaý organdarynyń beınebaqylaý júıelerimen qamtylmaǵan 6 159 kózge kórinbeıtin ýchaskeler men úı-jaılar anyqtaldy. 937 kamera jumys istemeıtin bolyp shyqty.

Qazir bul kemshilikterdi joıý boıynsha sharalar qabyldanyp jatyr.

Sondaı-aq bul baǵytta basshylar men qyzmetkerlerdiń azaptaýlardyń aldyn alý jónindegi laýazymdyq mindettemeleri jáne olarǵa jol bergeni úshin jaýapkershilikti naqty retteý bolmaǵan.

Qazirgi kezde tıisti nusqaýlyq qabyldanyp, senip tapsyrylǵan bólimshede azaptaýlarǵa jol bergeni úshin basshylardyń tipti qyzmetten bosatýǵa deıin jaýapkershiligi kózdelgen shekteýler belgilendi.

Shara sońynda Bas prokýrordyń orynbasary azaptaýlarǵa qarsy is-qımyl, sonyń ishinde olardyń aldyn alý, olarǵa «múldem tózbeýshilikti» damytý boıynsha qabyldanyp jatqan keshendi sharalar týraly aıtyp berdi.

Óz kezeginde advokattar qaýymdastyǵy qylmystardyń izderin tıimdi bekitý úshin, azaptaýlar týraly ister boıynsha prokýratýra organdarynyń júıesinde krımınalıstıkalyq bólimshe qurý týraly usynys engizdi.

Jalpy taraptar adam quqyqtaryn qorǵaý jáne azaptaýǵa qarsy is-qımyl boıynsha nátıjeli jumysqa jalpy umtylystaryn bildirdi.