Kamchatkada atqylaǵan janartaýdyń kúli 10 shaqyrym bıikke kóterildi

ASTANA. KAZINFORM – Kamchatkada Karym janartaýynyń kúli 10 shaqyrym bıiktikke kóterildi, dep jazady TASS.

30 tamyz kúni Kamchatkada atqylaǵan Karym janartaýynyń kúli 10 shaqyrym bıiktikke kóterildi. Bul týraly Reseı ǵylym akademııasynyń Qıyr Shyǵys bólimshesi Výlkanologııa jáne seısmologııa ınstıtýtynyń Telegram-kanaly da habarlady.

— Jarylys saldarynan Karym janartaýynyń kúli teńiz deńgeıinen 10 shaqyrym bıiktikke kóterildi. Kúl shoǵyry janartaýdan soltústik-batysqa qaraı 5 shaqyrymǵa sozylǵan, delingen habarlamada.

Avıatsııa úshin qaýipti qyzyl tús kody belgilendi. Janartaý belsendiligi jergilikti jáne halyqaralyq áýe qatynasyna qaýip tóndiredi.

Janartaý Kamchatkanyń shyǵys janartaý aımaǵynyń ortalyq bóliginde, Petropavl-Kamchatskııden 115 shaqyrym jerde ornalasqan.