Kamchatkada 5,2 magnıtýdaly jer silkinisi boldy

ASTANA. KAZINFORM — Kamchatka aýmaǵynda magnıtýdasy 5,2 jer silkinisi tirkeldi, dep habarlaıdy TASS. 

Kamchatkadaǵy Reseı ǵylym akademııasynyń Birikken geofızıkalyq qyzmetiniń fılıalynyń málimetinshe, jerasty dúmpýi Petropavlovsk-Kamchatskıı qalasynan 213 shaqyrym qashyqtyqta ornalasqan. Zilzalanyń epıtsentri 47,4 shaqyrym tereńdikte bolǵan.

Sondaı-aq sońǵy bir saǵat ishinde Kamchatka aýmaǵynda taǵy úsh jer silkinisi tirkeldi: olardyń magnıtýdasy 5,1, 4,0 jáne 4,3 shamasynda. Bul dúmpýler Petropavlovsk-Kamchatskııden tıisinshe 485, 182 jáne 166 shaqyrym qashyqtyqta bolǵan. 

Aıta ketelik Kamchatkanyń shyǵys jaǵalaýynda 6,1 magnıtýdaly jer silkinisi bolǵan edi.