Kamala Harıs San-Frantsıskoda Trampty synap, sóz sóıledi

ASTANA. KAZINFORM – Burynǵy vıtse-prezıdent Kamala Harıs San-Frantsıskoda sóılegen sózinde Donald Trampty tarıfter, úkimet shyǵyndaryn qysqartý men onyń ákimshiliginiń eldi bastaǵan joly úshin qatty synady, dep habarlaıdy Kazinform meshikti tilshisi.

Memlekettik qyzmetke usynylǵan áıel demokrattardy qoldaıtyn «Emerge» uıymynyń 20 jyldyǵyn toılaý sharasyndaǵy Kamala Harıstiń sózi Donald Tramptyń bılik basyndaǵy 100 kúnine sáıkes keldi, dep habarlaıdy ABC News.

- Túrli saıası kózqarastaǵy Amerıkanyń barlyq azamattary prezıdenttiń aqylǵa syımaıtyn tarıfteri kúndelikti tutynylatyn birinshi kezektegi mańyzdy taýarlardyń baǵalaryn ósire otyryp, jumyskerler men olardyń otbasylaryn shyǵynǵa batyryp jatyr, sondaı-aq azamattardyń ómir boıy jınaıtyn zeınetaqy esepterindegi qarjysy azaıyp, amerıkalyq iri jáne shaǵyn bıznestiń damýyna kedergi boldy. Bıznes ókilderi qazir qyzmetkerlerdi jumystan bosata otyryp, ınvestıtsııalyq sheshimderdi qabyldaý jumystaryn toqtatýǵa májbúr, - dedi Kamala Harıs.

Onyń sózinshe, amerıkalyqtar birlese otyryp, jumys isteýge, óz pikirlerin irikpeı aıtýǵa daıyn bolýlary kerek.

Sóziniń sońynda Harıs: «Bul bizdiń elimiz ekenin este ustańyzdar. Ol Aq úıdegilerdiki emes. Ol bizdiki, ol halyqtiki», - dedi.

Prezıdenttikke Demokratııalyq partııa atynan úmitker bolǵan Kamala Harıs Aq úıden ketken soń kópshilik aldyna sırek shyǵyp, saıası belsendiligin tómendetken bolatyn.

Harıs saıasatqa qaıta oralyp, óziniń kadıdatýrasyn Kalıfornııa gýbernatory laýazymyna usyný týraly oılanyp júr.

Keıbir demokrattar ony 2028 jylǵy prezıdent saılaýyna birden bir úmitker retinde qarastyrady.

Osyǵan deıin Tramptyń bılik basyndaǵy 100 kúnine arnalǵan saraptama jarııalaǵan bolatynbyz.

Sondaı-aq AQSh-ta joǵary tarıfter saqtalsa 2025 jyly retsessııa bolady degen boljam jasalǵany týraly jazdyq.