Qalyń qar Japonııanyń soltústigindegi kólik qozǵalysyn toqtatty

TOKIO. Kyodo-QazAqparat – Japonııanyń soltústigindegi Hokkaıdo aralynyń ákimshilik ortalyǵy Sapporo qalasynda qalyń qar jaýyp, temirjol kóligi qozǵalysy tolyǵymen toqtady. Barlyǵy 670 poıyz jolǵa shyqpaı qaldy. Bul týraly Kyodo agenttigi málim etti, dep habarlaıdy QazAqparat.

Jolaýshylar avtobýstarynyń 70%-y qar qursaýynda qaldy. Jergilikti bıliktiń habarlaýynsha, Sapporo aýdanynda mundaı jaǵdaı buryn-sońdy bolmaǵan.

Qala ortalyǵynda jeksenbi kúni bir táýlik ishinde 60 sm qar túsken. Bul – rekordtyq kórsetkish, dep atap ótti agenttikten.