Qalalyq sýburqaqtarda nelikten shomylýǵa bolmaıdy
«Jazǵy maýsymda sýburqaqtar qala turǵyndarynyń nazaryn aýdaratyn orynǵa aınalady. Al keıbir turǵyndar sýburqaqtyń janynda serýendep qana qoımaı, oǵan shomylǵysy keledi. Alaıda, olar osylaısha densaýlyǵyna qaýip tóndiredi. Sýburqaqtaǵy sý jıi jańartylmaıtynyn eskergen jón. Osyǵan baılanysty vırýstyq jáne parazıttik aýrýlardy juqtyrý qaýpi joǵary. Sondaı-aq, sýburqaqta qańǵybas ıtter men qustar shomylady. Olar ártúrli ınfektsııalardyń qozdyrǵyshy bolýy múmkin. Onyń ústine, joǵary aýa temperatýrasynda sýdaǵy mıkroorganızmder tez kóbeıedi. Sondyqtan sýburqaqta shomylý sýyq tııý qaýpimen ǵana emes, ótkir ishek ınfektsııasyna nemese konıýnktıvıtke de aınalýy múmkin. Sonymen qatar, enterovırýstyq jáne rotavırýstyq ınfektsııalar, sondaı-aq A vırýstyq gepatıti úlken qaýip tóndiredi», dedi ol.
Onyń atap ótýinshe, Sanıtarııalyq-epıdemıologııalyq baqylaý departamenti epıdemıologııalyq maýsymda, mamyrdan qyrkúıekke deıin zerthanalyq zertteýlerge sý synamalaryn ala otyryp, sýburqaqtardyń sý sapasyna sanıtarlyq-epıdemıologııalyq monıtorıng júrgizedi. Zerthanalyq zertteýlerdiń nátıjeleri boıynsha sáıkessizdikter anyqtalǵan. Atap aıtqanda, Baıqońyr jáne Saryarqa aýdandarynda ornalasqan («Jastar» saraıynyń janyndaǵy sýburqaq, «Esil» SÚ aýdanynda, sondaı-aq Pýshkın skverinde jáne Abaı dańǵylynda) sanıtarlyq-hımııalyq kórsetkishter boıynsha sýburqaq keshenderiniń sýynda buldyrlyq boıynsha ruqsat etilgen mánniń 1,1-1,7 ese artýy belgi bolǵan. Sondaı-aq, Á.Moldaǵulova eskertkishi men «Jastar» teatry mańyndaǵy «Atyraý» sýburqaq keshenderiniń sýynda mıkrobıologııalyq kórsetkishter boıynsha sáıkessizdik anyqtalǵan.
«Sýburqaqta júzý kezinde jaraqat alý qaýpi de joǵary. Fontannyń betinde ádette astyńǵy jaryq, aǵyndy saptamalar, jaı saptamalar ornalasady. Qosylǵan kommýnıkatsııalardyń kesirinen mehanıkalyq jáne elektr jaraqatyn alýyńyz yqtımal. Osyǵan baılanysty, astanalyq SEBD ata-analardy balalaryna qaýipsizdik jáne jeke bas gıgıenasyn saqtaý erejelerin túsindirýge shaqyrady. Eshbir jaǵdaıda balalardy qaraýsyz qaldyrmańyz jáne olarǵa kún saıyn shomylýǵa tyıym salynǵan jerlerde shomylý óte qaýipti ekenin eskertińiz», - dedi Sarhat Beısenova.
