Kaırdegi baılanys operatorynyń ǵımaratynan órt shyqty
ASTANA.KAZINFORM - Dúısenbi kúni Kaırde Telecom Egypt negizgi telekommýnıkatsııalyq kompanııasynyń keńsesi ornalasqan ǵımaratta órt shyqty, dep habarlaıdy Reuters.
Órt saldarynan 22 adam zardap shekti, sonymen qatar baılanys aqaýlary boldy. Bul týraly Reuters-ke Mysyr Densaýlyq saqtaý mınıstrliginiń resmı ókili habarlady.
Memlekettik telearna tilshisi órttiń sóndirilgenin aıtty.
Adamdar bir-birine telefon soǵa almaı, ınternet baılanysy úzildi. Keıbir tsıfrlyq bankıng qyzmetteri, sonyń ishinde nesıe kartalary, bankomattar jáne onlaın tranzaktsııalar da toqtap qaldy.
Densaýlyq saqtaý mınıstrliginiń resmı ókili Hossam Abdel Gaffardyń aıtýynsha, zardap shekkenderdiń kópshiligine ıis tıgen.
MENA memlekettik aqparat agenttigi órttiń búkil ǵımaratqa jáne irgeles shatyrlarǵa taralýynyń aldyn alǵanyn habarlady.
Aldyn ala málimetter boıynsha, órttiń shyǵýyna qysqa tuıyqtalý sebep bolýy múmkin, dep habarlady MENA.
Buǵan deıin Ispanııanyń ońtústigindegi hımııalyq qoımadaǵy órtten 80 myń adam oqshaýlanǵan bolatyn.