Qabynǵan ókpeniń qaıta qalpyna kelýine qansha ýaqyt ketedi- dáriger jaýaby
Dárigerdiń aıtýynsha, eń aldymen pnevmonııa men koronavırýstyń ara jigin ajyratyp alý kerek.
«Adam ókpesi aýa aýysatyn alveolalar men ókpe karkasyn quraıtyn dáneker tinderden turady. Koronavırýs pnevmonııasynda vırýs osy dáneker tinderdi qabyndyrady. Eger naýqasta ókpeniń 30-40 paıyzy qabynsa da tynys alý jetkiliksizdigi bolmaıdy. Al bakterııalyq nemese kádimgi pnevmonııada alveol qabynady da naýqas birden entigý bastalady. Biz qorqatyn vırýstyq pnevmonııalar ókpeniń 60-70 paıyz jáne odan kóp bóliginde qabynǵanda bastalady. Ol aýa jetispeýine pnevmonııa asqynýy (tromboz, vaskýlıt, jedel respıratorlyq dıstress sındromy, tsıtokın shok) qosylady»,– deıdi ol.
Sonymen qatar, ol «pnevmonııa» dıagnozynan qorqýdyń qajeti joq ekenin tilge tıek etti.
«Pnevmonııadan emes, koronavırýs ınfektsııasynan (KVI) saqtaný kerek. KVI-men aýyrǵan árbir naýqastyń ókpesiniń 80% zaqymdanady, ıaǵnı pnevmonııa KVI-diń asqynýy emes, ol osy aýrýdyń eń kóp kezdesetin kórinisi»,– deıdi dáriger.
Sattar Eralıev koronavırýstan emdelip shyqqan adamdarǵa nege basa nazar aýdarý kerektigin aıtty.
«KVI-diń aýyr túrlerinde ókpe ǵana emes, mı jáne vegetatıvti nervter, baýyr jáne uıqy bezi, búırek zaqymdanady. Qazir mınıstrliktiń tapsyrmasy boıynsha, jergilikti emhanalarda reabılıtatsııalyq bólimsheler quryldy. Sol jerde baryp keńes alǵan durys. KVI-dan keıin ımmýnıtet tómendeıdi. Sondyqtan tumaýǵa qarsy vaktsına saldyrǵan durys. Jasy kelgen kisiler (65-ten asqan), dıabetpen, ókpeniń sozylmaly obstrýktıvti aýrýymen aýyratyn kisilerge pnevmokokk ınfektsııasyna qarsy vaktsına saldyrǵan jón»,– dedi spıker.
Sóz sońynda dáriger qabynǵan ókpeni qaıta qalpyna keltirýge qansha ýaqyt ketetiniń jetkizdi.
«KVI jeńil túrinde de pnevmonııa bolýy múmkin, eger rentgenge túspese bilmeıdi de. Alaıda, oǵan bola rentgenge ne kompıýter tomografııasyna túsýdiń keregi joq. Bul vırýsqa qarsy em joq. Koronavırýs pnevmonııada adam aǵzasy aýrýdy jeńgen kezde, ózi ókpeni birtindep tolyq qalpyna keltiredi. Oǵan 3-6 aı keıde odan da uzaq ýaqyt ketýi múmkin. Ol ókpeniń zaqymdanǵan aýmaǵy men naýqas aǵzasynyn erekshelikterine baılanysty»,– dedi pýlmonolog.