Q.Mámı Joǵarǵy sot tóraǵasy laýazymynda alǵash ret azamattardy qabyldaý júrgizdi
Qabyldaý kezinde tóraǵa Qazaqstannyń ár túrli óńirlerinen 20-dan astam azamatpen tildesti.
Qabyldaýǵa kelgen adamdardyń kópshiligi barlyq ınstantsııadan ótpegenine qaramastan jáne olardyń apellıatsııalyq jáne kassatsııalyq tártipterde sot aktilerine shaǵym berýge múmkindikteri saqtalǵanyna qaramastan, olardy Joǵarǵy sot basshysy qabyldap, tyńdap shyqty.
Shaǵymdardyń edáýir bóligi múliktik sıpatta boldy jáne turǵyn úıdi, jer telimin alýǵa, saqtandyrý tólemderiniń ornyn toltyrýǵa baılanysty boldy. Qylmystyq ister boıynsha keıbir azamattar shyǵarylǵan úkimderdi qaıta qaraý týraly ótinishpen habarlasqan.
Qabyldaýǵa kelgenderge ári qaraı sot aktilerine shaǵym berý týraly tolyq túsinikteme berildi. Jekelegen aryzdar boıynsha Q.Mámı aryz berýshilerdiń dálelderin qosymsha qarastyrýǵa tapsyrma berdi, dep atap ótti vedomstvonyń baspasóz qyzmetinde.
Qabyldaý nátıjeleri boıynsha azamattardyń basym bóligi óz máselelerine nazar aýdarǵany úshin alǵys bildirip jatty.
«Azamattardyń aryzdary men shaǵymdaryna muqııat qaraý máselesi, olardyń ádiletti qaralýy VІ sýdıalar seziniń qorytyndysy boıynsha Joǵarǵy sot tóraǵasy Q. Mámıdiń jergilikti sot tóraǵalarymen ótkizgen otyrysynda jan-jaqty talqylanǵan bolatyn», - dep atap ótilgen taratylǵan baspasóz habarlamasynda.
Qazirgi ýaqytta azamattardyń aryzdaryn jekelegen is sanattary boıynsha toptaý jáne olardyń shaǵym berý sebepterin anyqtaý jónindegi jumys bastaldy. Nátıjesi jyl qorytyndysy boıynsha jergilikti sottardyń tóraǵalarymen ótken otyrystarda qarastyrylmaq.
