Q.Mámı: Qyzmetke taǵaıyndaý jáne kadr rezervin qalyptastyrýda sýdıalardyń jeke reıtıngin anyqtaý úshin jasyryn saýalnama júrgizý múmkindigin qarastyrǵan jón

ASTANA. 20 qarasha. QazAqparat - Qyzmetke taǵaıyndaý jáne kadr rezervin qalyptastyrýda sýdıalardyń jeke reıtıngin anyqtaý úshin jasyryn saýalnama júrgizý múmkindigin qarastyrǵan jón. Bul týraly búgin QR Sýdıalarynyń VІ sezinde Joǵarǵy sot tóraǵasy Qaırat Mámı aıtty.

«Sot júıesin úzdik kadrlarmen qamtamyz etý máselesi bizdiń jumysymyzdyń basym baǵyttarynyń biri bolyp qala beredi», - dep atap ótti ol.

Osy oraıda Joǵarǵy sot tóraǵasy aýdandyq deńgeıden bastap Joǵarǵy sotqa deıin ár sýdıanyń kásibı bilimi men jeke basyna qoıylatyn talaptardy arttyrý qajettigin basa aıtty.

«Qyzmetke taǵaıyndaý jáne kadr rezervin qalyptastyrýda jeke reıtıngti anyqtaý úshin sýdıalar arasynda jasyryn saýalnama júrgizý múmkindigin qarastyrǵan da oryndy. Muny tipti taǵaıyndaý jáne kadr rezervin qalyptastyrý kezinde de paıdalanýǵa bolady», - dedi Q.Mámı.