«Jas Otan» belsendileri analar men dárigerlerdi quttyqtady
Belsendiler ortalyqtyń qyzmetkerleri men aıaýly analardy Halyqaralyq áıelder kúni merekesimen quttyqtady jáne merekelik gúl men jemis-jıdek salynǵan sebetter syılady.
«Áıelder kúnimen quttyqtaýdy sábılerdiń jańa ómir esigin ashatyn perzenthanadan bastaýdy jón kórdik. Aldymen analarymyzdy, sodan soń akýsher, dáriger, pedıatrlardy quttyqtap, olarǵa jyly lebizderimiz ben jarqyn kóńil-kúı syıladyq. Sizderge jáne jaqyndaryńyzǵa amandyq, eń bastysy densaýlyq tilegim keledi», - dedi «Jas Otan» JQ jetekshisi Nurjan Jetpisbaev.
Sonymen birge, jasotandyqtar perınataldy ortalyqtyń qyzmetkerlerin de quttyqtady. Koronavırýs pandemııasy qoǵamǵa medıtsına men dárigerlerdiń erekshe orny men olardyń janqııarlyq eńbegin, jumysyna degen adaldyqtaryn kórsetti.
«Kez kelgen áıel úshin sábıiniń dúnıege kelýi – eń úlken baqyt jáne osyndaı baqytqa perzenthanada kýá bolady. Bul qýanyshqa sizderdiń qosqan úlesterińiz zor! Sondyqtan, sizderdiń qajyrly eńbekterińiz úshin alǵys aıtamyn jáne kele jatqan Halyqaralyq áıelder kúnimen quttyqtaımyn!»,- dep tolyqtyrdy Nurjan Arǵynuly.
Jasotandyqtardyń quttyqtaýy munymen toqtap qalmaıdy. Aldaǵy birneshe kúnde belsendiler qalamyzdyń basty kóshelerinde turǵyndar men qala qonaqtaryna merekelik kóńil-kúı syılamaq.
