«Jas Keñes Sıylığı-2025»: úzdik jastar 1 mln teńge júldege ıe bolady

ASTANA. KAZINFORM —  Prezıdent janyndaǵy Jastar saıasaty jónindegi keńestiń múshesi, «Keleshek» jastar keńesiniń basshysy Gýlzıra Atabaeva 2025 jylǵy «Jas Keñes Siyligi» syılyǵynyń týraly aıtyp berdi.

«Jas Keñes Sıylığı – 2025»: үздік жастар 1 млн теңге жүлдеге ие болады
Фото: Павлодар облысы ӨКҚ

«Jas Keñes Sıylığı» —Prezıdent janyndaǵy Jastar saıasaty jónindegi keńestiń bastamasymen 2024 jyly qurylǵan táýelsiz jastar syılyǵy. Bul syılyq elimizdiń ekonomıkasy men qoǵamdyq ómiriniń negizgi salalarynda ózin tanyta bilgen jas mamandarǵa tabystalady.

Ótken jylmen salystyrǵanda bıyl jas ǵalymdar, joǵary oqý oryndarynyń oqytýshylary men dárigerler, aqparattyq-kommýnıkatsııalyq tehnologııalar, kreatıvti ındýstrııalar jáne atom ónerkásibi salasynyń ókilderi sııaqty jańa mamandyqtar engizildi.

Bıylǵy jyly nomınatsııalar sany 7-den 10-ǵa deıin keńeıtildi:

· «Janqıarlyq» — Іshki ister organdary men qarýly kúshteriniń qyzmetkerlerine arnalǵan;

· «Altyn jürek» — orta jáne kishi medıtsına qyzmetkerlerine (jedel járdem, akýsher, sanıtar jáne t. b.) jáne dárigerlerge arnalǵan;

· «Önerkäsıp» — óńdeý ónerkásibi, taý-ken-metallýrgııa kesheni jáne ekonomıkanyń basqa da óndiristik sektorlarynda jumys isteıtinderge arnalǵan;

· «Bolaşaq turaly qamqorlyq» — ınklıýzıvti oqý ortalyqtarynyń qyzmetkerlerine, arnaıy qyzmet kórsetetin uıymdarǵa, áleýmettik qyzmet kórsetetin mekemelerge (balalar úıleri, hospıster, qarttar úıleri, múmkindigi shekteýli jandarǵa qoldaý kórsetý ortalyqtary jáne t. b.), sondaı-aq volonterlerge arnalǵan;

· «Bılım jäne Ğylym» — mektepke deıingi, orta, TjKB, joǵary jáne joǵary oqý ornynan keıingi bilim berý uıymdarynyń pedagogterine, sonymen qatar ǵalymdar, ǵylymı qyzmetkerler men zertteýshilerge arnalǵan;

· «Qaisar» — avarııalyq-qutqarý qyzmeti, órt sóndirýshiler jáne azamattyq qorǵanys júıesiniń ózge de uıymdarynyń qyzmetkerlerine arnalǵan;

· «Altyn qol» — syrlaýshy, santehnık, qurylysshy jáne t. b. jumysshy mamandyqtarynyń ókilderine, sondaı-aq KSK, MIB jáne eldi mekenderdiń tirshiligin qamtamasyz etýge jaýapty uıymdardyń qyzmetkerlerine arnalǵan;

· «Zharyq» — energetıka salasynyń, atom ónerkásibiniń, munaı-gaz kásiporyndarynyń qyzmetkerlerine arnalǵan;

· «Örken» — agroónerkásip kesheni, aýyl sharýashylyǵy ónimderin qaıta óńdeý jáne azyq-túlik ónimderin óndirý salasyndaǵy mamandarǵa arnalǵan;

· «Örleu» — aqparattyq-kommýnıkatsııalyq tehnologııalar (onyń ishinde jasandy ıntellekt, derekterdi taldaý jáne t. b.) jáne kreatıvti ındýstrııalar salasynyń qyzmetkerlerine arnalǵan.

— Syılyqqa úmitker bolý úshin Qazaqstan Respýblıkasynyń 35 jasqa tolmaǵan (35 jas qospaı alǵanda) azamattary qatysa alady. Baıqaýǵa qatysýǵa ótinimdi 2025 jylǵy 20 maýsym men 20 shilde aralyǵynda saıtynda berýge bolady. Konkýrstyq irikteý 3 kezeńnen turady. Onyń qorytyndysy boıynsha ár nomınatsııadan 2 jeńimpazdan, barlyǵy 20 jeńimpaz anyqtalady. Baıqaýdyń júlde qory — 20 mıllıon teńge (ár jeńimpazǵa 1 mıllıon teńgeden), — delingen habarlamada.

Syılyqtyń bas seriktesi jáne demeýshisi «Brave Talents» kompanııasy.

Aıta ketelik Gýmanıtarlyq ǵylym men tehnıka salalary boıynsha Memlekettik syılyqqa laıyqty jumystar anyqtalǵan edi

Сейчас читают