Izraıldik «El-Al» Máskeý baǵytyndaǵy barlyq reısterin bir aptaǵa toqtatty

ASTANA.KAZINFORM — Izraıldiń flagmandyq áýe tasymaldaýshysy «Reseı áýe keńistigindegi oqıǵalarǵa silteme jasaı otyryp» toqtatyldy. Bul týraly ızraıldik BAQ áýe kompanııasynyń málimdemesine silteme jasap habarlady.

Áýe kompanııasy reısterdi qalpyna keltirý týraly sheshim keıinirek qabyldanatynyn aıtty.

— Jaǵdaı kelesi aptada qaıta qaralyp, baǵyttyń qaıta jalǵasyp, jalǵaspaıtyny týraly sheshim qabyldanatyn bolady, — delingen habarlamada.

Tasymaldaýshy jaqyn arada jolaýshylarǵa oqıǵa týraly jańartylǵan aqparatty jiberýge ýáde berdi.

— Avıatsııa ókilderi bul sheshimdi sársenbi kúni ázerbaıjandyq jolaýshylar ushaǵynyń apatqa ushyraýymen baılanystyrady, — dep jazady The Jerusalem Post.

Aıta keteıik, sársenbi, jeltoqsannyń 25-i kúni Bakýden Groznyıǵa bet alǵan Ázerbaıjan ushaǵy Aqtaý mańynda apatqa ushyraǵan bolatyn. Bortta 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty.

Buǵan deıin QAZAQ AIR aǵymdaǵy jyldyń 28 jeltoqsany men 2025 jyldyń 27 qańtary aralyǵynda Astana — Ekaterınbýrg baǵyty boıynsha reısterdi ýaqytsha toqtatqanyn habarlaǵan bolatyn.