Izraıl Túrkııadaǵy dıplomattaryn qaıtaryp jatyr

Izraıl Syrtqy ister mınıstri Elı Koen Túrkııadaǵy dıplomattaryn keri qaıtarý týraly sheshim qabyldaǵanyn málimdedi. Kazinform bul týraly BBC-ge silteme jasap habarlaıdy.

28 qazan kúni keshke Túrkııa prezıdenti Rejep Taııp Erdoǵan Ystanbulda palestınalyqtardy qoldaýǵa baǵyttalǵan jáne mıllıonnan astam adam qatysqan mıtıngide sóz sóılegen bolatyn. Ol Izraıl premer-mınıstri Benıamın Netanıahýdy terrorıst dep atap, Izraıldi basqynshylyq úshin kinálap, batys elderin palestınalyqtardy jappaı óltirdi dep aıyptady.

«Túrkııanyń málimdemelerin eskere otyryp, men Izraıl men Túrkııa arasyndaǵy qarym-qatynasty qaıta baǵalaý úshin sol jerde ornalasqan dıplomatııa ókilderin qaıtarýdy buıyrdym», - dep jazdy Elı Koen X jelisinde (burynǵy Twitter).

Aıta keteıik, Ystanbulda birneshe jyl buryn jabylǵan Atatúrik áýejaıy aýmaǵynda kóptegen adamdardyń qatysýymen Palestınany qoldaý úshin sanktsııalanǵan aýqymdy mıtıng ótti. Oǵan Túrkııanyń joǵary laýazymdy tulǵalary, sheneýnikteri men iri kásipkerleri qatysty jáne Ystanbulǵa Palestına jáne Túrkııa týyn ustaǵan adamdar jınaldy.

Given the grave statements coming from Turkey, I have ordered the return of diplomatic representatives there in order to conduct a reevaluation of the relations between Israel and Turkey.

— אלי כהן | Eli Cohen (@elicoh1) October 28, 2023