Izraıl: Soǵys qımyldarynda úzilis bolmaıdy
AQSh-tyń soǵys qımyldaryna gýmanıtarlyq úzilis jasaýǵa shaqyrǵan málimdemesinen keıin Izraıl úkimeti shabýyldardyń jalǵasa beretinin, tek Gaza sektorynyń soltústigindegi beıbit turǵyndarǵa arnalǵan dálizdiń jumys isteıtinin málimdedi. Bul týraly Kazinform agenttigi Anadolyǵa silteme jasap habarlaıdy.
Izraıl premer-mınıstri baspasóz qyzmetiniń jazbasha málimdemesinde «Barlyq kepilge alynǵandar bosatylmaıynsha, Gazadaǵy qaqtyǵystar jalǵasa beretini» aıtylǵan.
Izraıl Gaza sektorynyń soltústiginen ońtústigine deıin sozylǵan beıbit turǵyndardyń ońtústikke ótýine ashyq «qaýipsiz dálizge» ruqsat berdi
Gazanyń 50 myń turǵynynyń keshe osy dáliz arqyly ótkeni aıtylyp, qalǵan turǵyndar ońtústikke jyljýǵa shaqyrylǵan.
Izraıl premer-mınıstriniń málimdemesi Aqúıdiń Izraıl Gaza sektorynyń soltústik bóliginiń beıbit turǵyndaryna shyǵýǵa múmkindik berý úshin «soǵys qımyldaryn kúnine 4 saǵatqa toqtatýǵa» keliskeni týraly málimdemesinen keıin jasaldy.
Aqúı óz málimdemesinde «soǵys qımyldaryna gýmanıtarlyq úzilis jarııalaý» týraly aıtsa, Izraıl premer-mınıstriniń málimdemesi soǵys qımyldarynda úzilis bolmaıtyny jáne tek «gýmanıtarlyq dálizdiń» ashyq bolatyny aıtylǵan.
