Izraıl Sırııanyń eki áskerı bazasyna soqqy jasady
ASTANA. KAZINFORM – Izraıl qorǵanys armııasy (TsAHAL) Sırııanyń ortalyq bóliginde ornalasqan Homs ólkesindegi Palmıra áskerı áýe bazasy men Et-Tııas/T4/ aerodormynyń «áskerı-strategııalyq nysandaryna» juma kúni keshkisin áýeden soqqy jasalǵanyn málimdedi, dep habarlaıdy Sınhýa.

Izraıldiń Kan TV memlekettik telearnasy eldiń áskerı-áýe kúshteriniń barlaý qyzmeti ótken jyldyń jeltoqsan aıynyń basynda kúıregen Bashar Asad rejımi baqylaýynda ustaǵan bazalardan qarý-jaraq pen strategııalyq múmkindikter izin baıqaǵan. Telearna málimetinshe, ızraıldik joıǵysh ushaqtar Izraıldiń áskerı-áýe kúshteriniń áýedegi basymdyǵyn saqtap qalýǵa baǵyttalǵan keń aýqymdy soqqy barysynda atalǵan nysandardy joıǵan.
Qorǵanys armııasynyń málimdesine sáıkes, TsAHAL Izraıl azamatyna tóngen kez kelgen qaterdi joıý úshin sharalar qabyldaýyn jalǵastyra beredi.
Izraıldiń «Gaarets» gazeti arab buqaralyq aqparat quraldaryna silteme jasaı otyryp, áýeden soqqy jasaý barysynda Sırııa Qorǵanys mınıstrliginiń 2 qyzmetkeri jaraqat alǵanyn habarlady.
Buǵan deıin Germanııa sırııalyqtarǵa kómek retinde 300 mıllıon eýro bólýdi ýáde etkenin jazǵan edik.