Izraıl Sırııadaǵy áskerı nysandarǵa áýeden shabýyl jasady

ASTANA. KAZINFORM – Búgin Izraıl Sırııa astanasy Damask pen sol eldiń batysyndaǵy Homs qalasy mańyndaǵy áskerı nysandarǵa soqqy jasady. Bul týraly Sırııanyń qorǵanys mınıstrligi málimdedi, dep habarlaıdy Kazinform tilshisi. 

Damaskiniń ortalyq aýdany Kafr-Sýsaǵa jergilikti ýaqytpen tańǵy 3:40-ta soqqy jasaldy. Taǵy bir soqqy Homs provıntsııasyndaǵy áskerı nysanǵa jasalǵan.

Sırııa qorǵanys mınıstrliginiń málimetinshe, áýe shabýylynan bir sarbaz qaza taýyp, jeteýi jaralanǵan. Sonymen qatar túrli materıaldyq shyǵyn da kelgen.

Buǵan deıin sırııalyq BAQ Izraıl Kafr-Sýsadaǵy turǵyn úıge soqqy jasaǵannan keıin Damaskide jarylystar estilgenin habarlady. 

Izraıl áskerıleri Beırýt mańyndaǵy «Hezbolla» nysandary» ornalasqan ǵımaratqa soqqy berdi. Soqqydan bir saǵat buryn ǵımarat janynda «Hezbolla» uıymynyń baspasóz máslıhaty ótken bolatyn.