Izraıl osy aptanyń basynda Irannyń shabýylyna daıyndalyp jatyr – Axios

ASTANA. KAZINFORM – Iran 5 tamyzda Izraılge soqqy berýi múmkin. Bul týraly DW jazdy. 

Amerıkalyq Axios basylymynyń habarlaýynsha, osy aımaqtaǵy amerıkalyq kúshterdiń qolbasshysy, general Maıkl Kýrılla Taıaý Shyǵysqa bir kún buryn kelgen. Bul saparda Kýrılla Izraıldi Irannyń yqtımal shabýylynan qorǵaý úshin halyqaralyq jáne aımaqtyq koalıtsııany jumyldyrýǵa tyrysady dep kútilýde. 

Aıta keteıik, Irannyń Izraılge burynǵy shabýyly kezinde Iordanııa Izraıldiń qorǵanysynda «mańyzdy» ról atqarǵan. Óz aýmaǵynda kóptegen ırandyq ushqyshsyz ushaqtardy ustap, AQSh pen Izraıldiń joıǵysh ushaqtary úshin áýe keńistigin ashqan. 

Axios aqparat kózderi Irannyń Izraılge jasaǵan yqtımal shabýyly burynǵysynan da úlken bolýy múmkin ekenin aıtyp otyr. Óıtkeni Iran Lıvandaǵy radıkaldy shııttik Hezbolla qozǵalysyn da tartady. 

Sky News Arabia-nyń basqa da derekterine súıensek, Iran 13 tamyzǵa qaraǵan túni Izraılde birinshi jáne ekinshi ǵıbadathanalardyń qıraǵanyn eske alý úshin evreı halqynyń aza tutý kúnin – Tısha B'Av merekesin toılaǵanda, Izraılge soqqy berýge daıyndalyp jatyr. 

Buǵan deıin Vashıngton men Tel-Avıv Irannyń Izraılge shabýylynyń kútiletin kúnin jarııalaǵan bolatyn.