Izraıl ókili BUU-nyń atysty toqtatý týraly rezolıýtsııasy nege oryndalmaı jatqanyn túsindirdi

Izraıl Syrtqy ister mınıstrligi Eýrazııa jáne Balqan máseleleri jónindegi bas dırektorynyń orynbasary Sımona Galperın Astanadaǵy bırıfıngide BUU-nyń atysty toqtatý týraly rezolıýtsııasy nege oryndalmaı jatqanyn túsindirdi, dep habarlaıdy Kazinform. 

«Izarıl nege BUU-nyń atysty toqtaý týraly rezolıýtsııasyna baǵynbaı otyr? Ony tipti masqara rezolıýtsııa dep málimdegender boldy ǵoı», - dep surady jýrnalıst.

«Men óte aıqyn, naqty ári týra aıtqym keledi. Atys HAMAS-tyń kózi tolyqtaı joıylǵansha toqtamaıdy. Bul óte qarapaıym. Ózińdi joıǵysy keletindege qarsy oq atýdy toqtatý úmkin emes. Olar ol jerde bolmaýy kerek. HAMAS kóshbasshylary, bári Gazada qalmaǵanda ǵana oq toqtaıdy», - dedi Sımona Galperın.

Sondaı-aq ol Izraıldegi musylmandardyń úles salmaǵy týraly derek keltirdi.

«Izraıldegi halyqtyń 20 paıyzy negizinen arabtar. 2-3 paıyzy ǵana hrıstıan bar. Tek zań boıynsha ǵana emes, memlekette, aýrýhanalarda, mektepterde jumys isteıtinderdiń arasyndaǵy úlesi 10 paıyzdan joǵary. Bizdegi saıasat azshylyq qaýymdarǵa memleket jumysyna kirýde kerisinshe basymdyq beredi. ıAǵnı, kerisinshe olardy qoldaıtyn, kómektesetin arnaıy baǵdarlamalar bar», - dedi Izraıl SІM ókili.

Eske salsaq, Gaza sektoryndaǵy palestınalyq radıkaldar Izraıl aýmaǵyna zymyran atqylap, Izraıldiń ortalyǵy men ońtústiginde erekshe jaǵdaı engizilgen edi. 

Sońǵy málimetter boıynsha, Izraıl áskeri Gazany tolyǵymen qorshap, ekige bólip tastaǵan. 

Syrtqy ister mınıstrliginiń málimeti boıynsha, Gaza sektorynda qazir Qazaqstannyń 76 azamaty bar.