Izraıl-Lıvan shekarasyna jaqyn jerde Taılandtyń tórt azamaty mert boldy

ASTANA. KAZINFORM – Izraıldiń Lıvan men Izraıl shekarasy mańyndaǵy ızraıldik Metýla qalasyna jaqyn jerde zymyran shabýylynan Taılandtyń tórt azamaty mert bolyp, bireýi jaraqat aldy. Bul týraly juma kúni Taıland Syrtqy ister mınıstri Marıs Sangıamphong málimdedi, dep habarlaıdy Kazinform menshikti tilshisi.

«Men Izraıl-Lıvan shekarasyna jaqyn jerde ornalasqan Metýla eldi mekeni mańyndaǵy zymyran shabýyly saldarynan tórt taı jumysshynyń qaza taýyp, bir qyzmetkerdiń jaraqat alǵany týraly habarǵa qatty kúızeldim», - dep jazdy Sangıamphong H áleýmettik jelisinde.

Taıland SІM basshysy eldiń Tel-Avıvtegi elshiligine jaraqat alǵandar, sondaı-aq qaza tapqandardyń otbasylaryna jan-jaqty kómek kórsetýdi tapsyrǵanyn qosyp ótti.

Izraıldik BAQ-tyń habarlaýynsha, Metýla aımaqtyq keńesiniń basshysy beısenbi kúni keshke Lıvan zymyrandyq shabýylynan bes adam qaza tapty, olardyń biri jergilikti fermer jáne fermadaǵy sheteldik tórt jumysshy.

Taıland SІM málimetinshe, ótken jyly HAMAS-tyń Izraılge jasaǵan shabýylynda qaza tapqan 1200 adamnyń arasynda 46 taı azamaty boldy.

«Taıland shıelenisi uzaqqa sozylǵan osy qaqtyǵys saldarynan aýyr zardap shekken jazyqsyz beıbit turǵyndar úshin barlyq taraptardy beıbitshilik jolyna oralýǵa shaqyrýdy jalǵastyrýda», - dedi Taıland Syrtqy ister mınıstri.

Osyǵan deıin Lıvanda Izraıl áýe shabýylynan 60 adam kóz jumǵanyn habarladyq.