Izraıl kelissóz júrgizý úshin Katarǵa ketken adamdaryn qaıtaryp aldy
Izraıldik «Mossad» barlaý qyzmetiniń basshysy Davıd Barnea osy eldiń premer-mınıstri Bınıamın Netanıahýdyń buıryǵymen kelissóz júrgizýge ketken komandany Qatardan qaıtaryp aldy. Kazinform bul týraly The Times of Israel-ge silteme jasap habarlaıdy.
Málim etilgendeı, kelissózder tyǵyryqqa tirelgendikten Izraıl osyndaı sheshim qabyldaǵan.
Bınıamın Netanıahý keńsesi kelissóz júrgizetin komandaǵa Dohadan Izraılge qaıtýdy buıyrǵan. Olardyń sózinshe, HAMAS kelisimdegi óz mindetin oryndamaǵan. Olar bekitilgen tizimdegi barlyq bala men áıeldi bosatýy qajet bolatyn.
Gaza sektoryndaǵy atysty ýaqytsha toqtatý týraly alǵashqy kelisim 24 qarasha, juma kúni jergilikti ýaqyt boıynsha saǵat 6.00-de kúshine engen edi. Keıin bitim týraly ýaǵdalastyq taǵy eki kúnge solzyldy.
Bitim merzimi aıaqtalyp, tutqyndarmen almasý jasalǵan soń, Izraıl armııasy Gaza sektoryndaǵy soǵys qımyldaryn qaıta bastaıtynyn málimdedi.
