Izraıl Irannyń shabýylyna jaýap beredi – TsAHAL
ASTANA. KAZINFORM – Izraıl armııasy bas shtabynyń basshysy Gertsı Halevı Izraıl Irannyń zymyrandyq shabýylyna jaýap beretinin jáne ony qalaı jasaý kerektigin sheship jatqanyn aıtty, dep habarlaıdy Euronews.
«Iran óz áreketiniń zardabyn tartady. Tıisti jaýapty tańdaımyz. TsAHAL kez kelgen qaýipke qarsy turýǵa daıyn», - dedi ol.
Izraıl premer-mınıstri Bınıamın Netanıahý TsAHAL-dan Iranǵa adam shyǵynynsyz «sıgnal jiberetin» nysana nusqalaryn usynýyn surady.
Eske sala ketsek, senbi kúni keshke Iran óz aýmaǵynan Izraılge qaraı soqqy jasaýǵa arnalǵan ushqyshsyz ushý apparattary men zymyrandardyń úlken tolqynyn ushyrdy, bul - Islam Respýblıkasynyń evreı memleketine alǵash ret tikeleı shabýyl jasaýy.
Aıta keteıik, Izraıl syrtqy ister mınıstrligi Irannyń shabýylyna qatysty pikir bildirgen bolatyn.
