Izraıl ıran televızııasynyń shtab-páterine soqqy jasady

ASTANA. KAZINFORM – Izraıldiń Qorǵanys armııasy (TsAHAL) Irannyń memlekettik telearnasynyń redaktsııasy ornalasqan ǵımaratqa soqqy jasady. Jergilikti telegram-arnalar janyp jatqan ǵımarattyń kórinisinen vıdeolar jarııalap jatyr. Ol jerde qoıý tútin kókke kóterilgen, zardap shekkender bar, dep habarlaıy VVS.

Soqqy jasalǵan sát telearnanyń tikeleı efırine túsip qalǵan. Aldymen jarylys Tegerannyń jalpy kórinisimen birge ekrannyń sol jaǵynda paıda boldy, keıin stýdııadan translıatsııa júrip jatqan oń jaǵynan kórsetildi. Ekran sónip, qaǵazdar shashylyp jatty, júrgizýshi qashyp shyqty. Bir sátte kadrda shań-tozań paıda bolyp, kadr úzildi.

Osy oqıǵanyń aldynda TsAHAL telearnanyń redaktsııasy ornalasqan Iran astanasynyń okrýgine soqqy jasaıtynyn eskertip, okrýg turǵyndaryn ol jerden ketýge shaqyrǵan.

Times of Israel basylymy Izraıl Qorǵanys mınıstri Israel Kats-tyń sózin keltirdi. Onda TsAHAL eskertý jasaǵan soń «Iran propagandasy men arandatqyshynyń joıylýǵa taıaý» ekenin málimdegen.

Buǵan deıin Irannan 30-dan astam ózbekstandyq evakýatsııalanǵany týraly jazdyq.