Izraıl HAMAS tutqynǵa alǵan stýdent qyzdyń ólimin rastady
Izraıl Syrtqy ister mınıstrligi HAMAS sodyrlary urlap ketken stýdent, nemis qyzy Shanı Lýktyń kóz jumǵanyn rastady, Kazinform bul týraly VSS-ge silteme jasap habarlaıdy.
Buǵan deıin mýzyka festıvali kezinde HAMAS músheleri urlap áketken boıjetkenniń ólimi týraly onyń anasy habarlaǵan bolatyn.
«Germanııa jáne Izraıldiń azamaty – 23 jastaǵy Shanı Lýktyń denesi tabylyp, jeke basy anyqtalǵanyn qaıǵyra habarlaımyz», – delingen Izraıl SІM-niń X áleýmettik jelisindegi resmı akkaýntynda.
Málimetke súıensek, stýdent qyz azaptap óltirilgen.
«HAMAS sodyrlary mýzyka festıvalinen kúshtep áketip, azaptap, Gaza sektorynda jurtshylyq aldyna shyǵarǵan Shanı aqylǵa qonymsyz qatigezdikti bastan keshti. Shanıdiń qaıǵyǵa ushyraǵan dostary men januıasy úshin duǵadamyz», – delingen SІM habarlamasynda.
Sh.Lýk 7 qazan kúni palestınalyq HAMAS toby Izraılge shabýyl jasaǵan kezde Supernova mýzyka festıvalinen kúshtep áketilgen bolatyn. Boıjetken iz-túzsiz joǵalǵandar tiziminde boldy. Tutqynǵa alynǵandar arasynda Qytaı men Taıland azamattary da bar ekeni aıtyldy.
21 qyrkúıekte HAMAS AQSh-tyń eki azamaty – 59 jastaǵy Djýdıt Raanan men onyń 17 jastaǵy qyzy Natalı Raanandy bosatty.
Izraıldiń málimdeýinshe, HAMAS 7 qazanda Izraıldiń ońtústigindegi qalalarǵa shabýyl jasaǵannan keıin Gaza sektoryna 203 adamdy alyp ketken.
Gaza densaýlyq saqtaý mınıstrliginiń málimetinshe, Izraıl soqqylarynan qaza bolǵan adamdar sany 8300-den asty, onyń ishinde 3457 bala jáne 2236 áıel bar.
