Izraıl HAMAS-tyń áskerı jetekshisi Mohammed Deıftiń kózi joıylǵanyn rastady

ASTANA. KAZINFORM - Beısenbi kúni Izraıl qorǵanys kúshteri áskerı barlaý qorytyndysy boıynsha shilde aıyndaǵy áýe shabýyly kezinde HAMAS-tyń áskerı qolbasshysy Mohammed Deıftiń qaza tapqanyn habarlady. Sodyrlar Gaza sektoryndaǵy Han-ıÝnıstegi nysanǵa soqqy berdi, dep jazady Euronews.

Gazanyń densaýlyq saqtaý mınıstrligi sol kezdegi soqqydan 90-nan astam adamnyń, sonyń ishinde jaqyn mańdaǵy shatyrlarda qonys aýdarǵan beıbit turǵyndardyń qaza tapqanyn habarlady. Izraıl qorǵanys mınıstri Ioav Gallant bul soqqynyń soǵys maqsatyna jetý jolyndaǵy «mańyzdy kezeń» ekenin aıtty.

«Bul operatsııanyń nátıjesi HAMAS-tyń kúıreý jaǵdaıynda turǵan uıym ekenin kórsetedi», - dedi mınıstr.

Izraılde Deıfti «Gazanyń Osama ben Ladeni» dep ataıdy. Deıf 1990 jyldary HAMAS-tyń áskerı qanaty Izz ad-Dın ál-Kassam brıgadasynyń negizin qalaýshylardyń biri boldy jáne bólimdi ondaǵan jyldar boıy basqardy. Onyń qolbasshylyǵymen avtobýstar men kafelerde ızraıldikterge qarsy ondaǵan jankeshti jarylystar, Izraılge shabýyl jasaý úshin zymyrandardyń arsenaly jasaldy.

Izraıl bıligi Mohammed Deıfti 7 qazanda Izraıldiń ońtústigindegi lańkestik áreketti uıymdastyrýshylardyń negizgisi dep sanaıdy.