Izraılde maımyl sheshegin juqtyrǵandar sany ósken

NUR-SULTAN. QazAqparat – Izraıl densaýlyq saqtaý mınıstrligi jeksenbi kúni maımyl sheshegine shaldyqqandar sany 208 jaǵdaıdy quraǵanyn málimdedi, dep habarlaıdy QazAqparat tilshisi News CN-ge silteme jasap.

Sońǵy tórt kúnde vırýs juqtyrǵan 11 adam anyqtaldy. Mınıstrlikte atap ótkendeı, búgingi tańda qaýip tobyndaǵy 2 myńnan astam adam vırýsqa qarsy preparattyń qos dozasymen vaktsınatsııalandy.

Izraıl shilde aıynyń sońynda Danııanyń Bavarian Nordic fırmasy shyǵarǵan 5,6 myń vaktsınany jetkizý arqyly halyqtyń osal toptaryn vaktsınatsııalaý baǵdarlamasyn bastady. Qyrkúıek aıynda maımyl sheshegine qarsy preparattyń 4,4 myń dozasy keledi dep kútilýde. Mınıstrlik qolda bar preparattardy tıimdi paıdalanýdy qamtamasyz etý, sondaı-aq vaktsınanyń qosymsha dozalaryn satyp alý úshin vaktsınatsııa krıterıılerin keńeıtýdi qarastyryp jatqanyn aıtty.

Izraılde maımyl sheshegin juqtyrǵandar sany kúrt ósken. Buǵan deıin shilde aıynyń ortasynda eldiń densaýlyq saqtaý mınıstrligi maımyl sheshegi aýrýynyń tek 11 jaǵdaıyn tirkegenin habarlaǵan bolatyn.

Foto: tass.ru